Тоқаев Қазақстан азаматтарын Украинадан эвакуациялау жұмыстарын мұқият бақылайды
Президент Қасым-Жомарт Тоқаев Сыртқы істер министрлігі мен басқа да ведомстволардың Украинадағы Қазақстан азаматтарын эвакуациялау жөніндегі жұмысын жіті қадағалап отыр.
НҰР-СҰЛТАН. 7 НАУРЫЗ - Президент Қасым-Жомарт Тоқаев Сыртқы істер министрлігі мен басқа да ведомстволардың Украинадағы Қазақстан азаматтарын эвакуациялау жөніндегі жұмысын жіті қадағалап отыр, деп хабарлайды KAZAKHSTAN TODAY ҚР Президенті Баспасөз қызметінің ресми Telegram-каналының қызметіне сілтеме жасап.
Мемлекет басшысы бұл ба.ғыттағы жұмыстарды оң бағалады.
Әскери іс-қимылдар басталғалы бері 553 отандасымызға көмек көрсетіліп, оның 432-сі елімізге аман-есен жеткізілді. Азаматтардың көпшілігі құтқару шаралары үшін Президентке алғыс айтып жатыр", - деп ҚР Президентінің баспасөз хатшысы Берік Уәли хабарлады.
Дипломатиялық ведомствоның Украинадан ел азаматтарын эвакуациялау жұмыстары жалғасуда.
Бүгін Мемлекет басшысы Қазақстан азаматтарын осы елден алып шығуға атсалысқан дипломаттарды, құрметті консулдарды, басқа да ведомство қызметкерлерін мемлекеттік наградалармен марапаттау үшін Сыртқы істер министрі Мұхтар Тілеуберді мен Қазақстанның Украинадағы елшісі Дархан Кәлетаевқа ұсыныстар әзірлеуді тапсырды", - деп хаттамада айтылған.
ҚР Украинадағы елшілігінде хабарлағандай, 2022 жылғы 6 және 7 наурызда елшілік Киевтен 31 адамның қауіпсіз шығуын қамтамасыз етті. Айта кету керек, азаматтардың бір бөлігі Львовта қалады, Отанына ұшқысы келетіндер поляк Катовицасына барады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Мемлекеттік "Іле-Алатау" ұлттық табиғи паркінде қар барысы тағы да фототұзаққа ілінді
Мемлекеттік "Іле-Алатау" ұлттық табиғи паркінде қар барысы тағы да фототұзаққа ілінді, деп хабарлайды Орман шаруашылығы және жануарлар дүниесі комитетінің баспасөз қызметінен.
Іле-Алатау" мемлекеттік ұлттық табиғи паркінде ерекше оқиға орын алды: сирек кездесетін қар барысы қайтадан фототұзаққа түсіп, жабайы табиғаттың ерекше сұлулығын көрсетті. Бұл кадрлар 7-13 ақпан аралығында түсірілген.
Ғылыми инспекторлардың маңызды еңбегін атап өткен жөн, олар тәулік бойы парктің аумағын бақылап, биоалуантүрлілікті сақтау бойынша зерттеулер жүргізеді. Олардың қажырлы еңбегі мен табандылығының арқасында фототұзақтар дұрыс жерлерге орнатылып, осындай әсерлі нәтижелерге қол жеткізілді.
Қар барысы - баға жетпес табиғи мұрамыздың символы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚР Ұлттық музейі мен Мемлекеттік Эрмитаж бірлескен көрмелер өткізуді жоспарлауда
2025 жылғы 25-28 наурыз аралығында Қазақстан Республикасының Ұлттық музейі директоры Берік Әбдиғалиұлы мен археология және этнография бөлімінің аға ғылыми қызметкері Руслан Дуванбеков Мәскеу мен Санкт-Петербургтың жетекші музейлеріне жұмыс сапары өтті. Мақсаты - музейлер арасындағы ынтымақтастықты нығайту, бірлескен жобаларды талқылау мен меморандум жасау.
Санкт-Петербург қаласында Русский музей, Эрмитаж, Кунсткамера және Ресей этнографиялық музейінің басшылығымен кездесулер өтті. Мәскеуде Третьяков галереясы, Мемлекеттік тарихи музей, Шығыс музейі, Палеонтологиялық музей және Ресейдің қазіргі заманғы тарихының мемлекеттік орталық музейі өкілдерімен келіссөздер жүргізілді.
ҚР Ұлттық музейі мен Мемлекеттік Эрмитаж ынтымақтастықты кеңейтпек. Әріптестік аясында бірлескен көрмелер, Астанада Эрмитаж күндерін өткізу, қызметкерлер үшін тағылымдамалар, сондай-ақ каталогты шығару жоспарланған, деп хабарлайды Ұлттық музейlің баспасөз қызметінен.
Русский музеймен ынтымақтастық барысында Ресей бейнелеу өнерінің жауһарларын ұсынатын көрме өткізу мүмкіндігі қарастырылады.
Кунсткамераның коллекциясында қазақтардың материалдық мәдениетіне арналған біршама жәдігерлер сақтаулы. Екі музей арасындағы ынтымақтастықтың аясында бұл құнды заттар екі томдық каталогқа негіз болмақ.
Сол сияқты Палеонтологиялық музеймен бірлесіп, маңызды серіктестік бастамалары қолға алынуда. Тараптар каталогты дайындау бойынша әдістемелік консультациялар өткізу, Қазақстан аумағында бірлескен экспедициялар ұйымдастыру, сондай-ақ Қазақстанда табылған, бірақ Ресей музейінде сақтаулы алып жануарлар қаңқаларының ғылыми реконструкцияларын жасау туралы уағдаласты.
Сапар қорытындысы бойынша ынтымақтастық туралы меморандумдарға қол қойылып, көрме алмасу, ғылыми зерттеулерді жүзеге асыру сынды әріптестіктің маңызды бағыттары белгіленді. Бұл Қазақстан мен Ресей арасындағы мәдени байланыстарды дамыту мен нығайтудағы маңызды қадам болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Түркістан облысының Созақ ауданына 1,3 млрд текше метр су жіберілді
2024 жылдың қыркүйек айынан бері Тасөткел су қоймасынан Созақ ауданына 1,3 млрд текше метр су жіберілді. 27 наурызда Шу өзенінің суы Созақ ауданының Жуантөбе ауылдық округіне жетті. Қазіргі таңда су аудан шекарасынан 80 шақырым ішке қарай таралып жатыр, деп хабарлайды Қазақстан Республикасы Су ресурстары және ирригация Министрлігінің баспасөз қызметінен.
Су ресурстары және ирригация министрлігі жыл соңына дейін тағы 44 млн текше метр су жіберуді жоспарлап отыр. Бүгінгі таңда Тасөткел су қоймасында 410 млн текше метрге жуық су бар.
Су ресурстары және ирригация министрі Нұржан Нұржігітовтің тапсырмасы бойнша Жамбыл облысының "Қазсушар" филиалы мен Шу-Талас бассейндік инспекциясының басшылары Созақ ауданына барды. Тексеріс барысында Шу өзені арнасын өз бетінше бұру және заңсыз бөгет тұрғызу фактісі анықталған жоқ.
Барлық суармалы алқаптар және су пайдаланушылар су ресурстарының бөлінген көлемінде сумен қамтамасыз етілуде. Министрлік өкілдері аудан тұрғындарымен кездесіп, халықты сумен қамту бағытындағы атқарылып жатқан жұмыстар туралы айтып берді.
Шу өзеңінің ағысын реттеу және бөгеттің бұзылуының алдын алу үшін Радай өзегінің басына су реттегіш құрылғы орнату туралы шешім қабылданды. Бұл құрылғы судың табиғи ағысын кезең-кезеңімен, қауіпсіз және тиімді басқаруға, суды Шу өзеңінің негізгі арнасымен жіберу және Созақ ауданына суды жеткізу уақытын азайтуға бағытталған. Қазіргі уақытта, жергілікті әкімдік жобалық-сметалық құжаттамасын әзірлеп жатыр",- деді Талғат Ибраев Шу-Талас бассейндік инспекциясын басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Медициналық сақтандыру қорының басшысы тағайындалды
Денсаулық сақтау министрі Ақмарал Әлназарова бүгін әлеуметтік медициналық сақтандыру қорының ұжымына жаңа басшыны таныстырды, деп хабарлайды Қазақстан Республикасы Денсаулық сақтау министрлігінің баспасөз қызметінен.
Денсаулық сақтау министрінің бұйрығымен Премьер-Министрмен келісім бойынша "Әлеуметтік медициналық сақтандыру қоры" КеАҚ Басқарма төрағасы лауазымына Айдын Құлсейітов тағайындалды.
Айдын Құлсейітов Өскеменде дүниеге келген. Шығыс Қазақстан мемлекеттік техникалық университетін "Инженер-экономист" мамандығы бойынша және ҚР Президенті жанындағы Мемлекеттік қызмет академиясын "Мемлекеттік қызмет менеджері" мамандығы бойынша бітірген.
Еңбек жолын басқарушы лауазымдарға дейін жеке салада бастаған. Содан кейін Мемлекеттік қызметке ауысты. Индустрия және сауда министрлігінде, энергетика және минералдық ресурстар министрлігінде жұмыс істеді, "Технологиялық даму жөніндегі ұлттық агенттік" АҚ, "Қазақстандық индустрияны дамыту институты" АҚ Басқарма төрағасы болды.
2017 жылдан бастап ҚР Президентінің Әкімшілігінде бірқатар басшылық қызметтер атқарды.
Екі жыл бойы ҚР Президенті Әкімшілігінің Стратегиялық әзірлемелер және талдау орталығын басқарды.
Содан кейін Қазақстан Республикасының Президенті Әкімшілігінің Стратегиялық жоспарлау бөлімінің меңгерушісі болып тағайындалды.
Соңғы екі жылда ҚР Президенті Әкімшілігінің Әлеуметтік-экономикалық мониторинг бөлімінің басшысы болып жұмыс істеді. Осы уақытқа дейін - Қазақстан Республикасының Президенті Әкімшілігінің Әлеуметтік-экономикалық саясат бөлімінің меңгерушісі лауазымында қызмет атқарды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.