Яндекс карталар мен 2ГИС Шымкент жүргізушілерін жолдың қауіпті учаскелері туралы ескертеді

20.01.2025, 14:48 1931

Атырауда пәтер ұрысы тұрғындарға 10 млн теңгеден астам шығын келтірген

Атырауда пәтер ұрысы тұрғындарға 10 млн теңгеден астам шығын келтірген, деп хабарлайды Polisia.kz

Күдікті тұрғын үйлердің пластикалық терезесін күшпен ашып, жалпы сомасы 10,3 млн теңге тұратын әртүрлі алтын бұйымдарды ұрлаған.

Тексеру барысында 35 жастағы күдікті алтын бұйымдарды қала аумағында орналасқан әртүрлі ломбардтарға тапсырғаны анықталды. Жәбірленушілердің бірі ломбардтан тәркіленген заттардың ішінен өзіне тиесілі 7 бұйымды таныды.

Қазіргі таңда күдікті ұсталды, аталған дерек бойынша тергеу амалдары жүргізіліп жатыр.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

20.01.2025, 14:18 2201

Адам өлтірді деген екі күдікті Ресейден экстрадицияланды

Адам өлтіру, тұрғынжайға қолсұғылмаушылықты бұзу және заңсыз қару айналымы үшін қылмыстық жауаптылыққа тарту мақсатында Қазақстанның екі азаматы Ресейден экстрадицияланды, деп хабарлайды Бас прокуратурасының баспасөз қызметінен.

Күдіктілер 2023 жылдың қаңтарында Шымкент қаласында басқа үш адаммен бірлесіп, жеке араздық негізінде танысын өлтіруді жоспарлаған.

Ойларын жүзеге асыру мақсатында күдіктілер тапанша, металл шыбықтар мен биталармен қаруланып, қолғап пен маска киіп, түнгі уақытта жәбірленушінің үйіне келген.

Олар терезелерді сындырып, үйге кіріп, жәбірленушіге аса қатыгездікпен көптеген дене жарақаттарын келтірген.

Кейін үйдегі басқа адамдарды ұрып-соғып, жәбірленуші өмір белгілерін бермегеніне көз жеткізген соң, оқиға орнынан бой тасалаған.

Жәбірленуші ауыр дене жарақат салдарынан жедел жәрдем көлігінде қайтыс болған.

Күдіктілердің екеуі ізін суытпай ұсталып, әртүрлі жазаларға тартылған. Ал қалған үш күдікті елден қашып үлгеріп, халықаралық іздеуге жарияланған.

2024 жылдың мамырында сыбайластарының бірі көршілес елден экстрадицияланып, сотталды.

Қалған екі іздеудегі күдікті өткен жылдың шілдесінде Ресей Федерациясының Мәскеу облысында ұсталып, Қазақстан Бас прокуратурасының сұрауы бойынша елге экстрадицияланды.

Қазіргі таңда күдіктілер тергеу изоляторына қамалды.

Айыпталып отырған қылмыстарды жасағаны үшін оларға 15 жылдан 20 жылға дейінгі мерзімге немесе өмір бойына бас бостандығынан айыру жазасы қарастырылған.

Осылайша, аталған қылмыстарға қатысы бар барлық тұлғалар әшкереленді.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

20.01.2025, 14:12 2416

СҚО үш азамат цифрлық активтердің заңсыз айналымы үшін сотталды

ҚМА Солтүстік Қазақстан облысы бойынша департаменті цифрлық активтерді заңсыз айналымға шығару фактісі бойынша қылмыстық істі тергеуді аяқтады, деп хабарлайды агенттіктің баспасөз қызметінен.

Үш азамат тиісті лицензиясыз криптовалюта қабылдау және айырбастау операцияларын жүргізген. Олар криптовалюта биржаларынан алынған қаражатты пайдаланып, криптокошелек арқылы қамтамасыз етілмеген цифрлық активтермен айырбас операцияларын жүзеге асырған. Қазақстан Республикасының аумағында қызметі тыйым салынған криптобиржалар арқылы жасалған бұл операциялар заңсыз болды.

Заңсыз айырбас операциялары нәтижесінде схеманы ұйымдастырушылар цифрлық активтерді ұлттық валютаға айырбастаған. Жалпы айналым сомасы 681 млн теңгеден астам.

380 адам осы үш азаматпен криптовалюта бойынша транзакциялар жасағаны анықталды, бұл іс-әрекет банктік шоттардан алынған үзінділермен расталды.

Сот үш күдіктіге қатысты шешім қабылдап, оларды 2,5 жылдан 3,5 жылға дейін бас бостандығынан айыру жазасына кесіп, мүліктерін тәркілеуге шешім қабылдады.

Құны шамамен 400 млн теңгені құрайтын мүлік тәркіленді, оның ішінде 10 млн теңге көлемінде активтер, 150 млн теңге бағасындағы жылжымайтын мүлік, жалпы құны 213 млн теңге болатын бес көлік, 12 млн теңге тұратын квадроцикл және қымбат компьютерлік жабдықтар бар.

Мұндай құрылымдар өз клиенттерін сәйкестендірмейді және күдікті операцияларды анықтамайды. Сондықтан, олардың қызметтерін көбіне кибералаяқтар мен есірткі заттарын өткізушілер пайдаланады.

Мысалы, осындай схемалар арқылы 2024 жылы 10 миллиард теңгеге есірткі табыстары шығарылған.

Айта кетейік, Қазақстан Республикасының "Цифрлық активтер туралы" Заңына сәйкес елдегі цифрлық активтердің айналымына қатысты кез келген қызмет лицензияны қажет етеді.

ҚМА қоғамдағы заңдылық пен тәртіпті қамтамасыз ету, экономикалық және қаржылық құқық бұзушылықтарға қарсы іс-қимыл бойынша белсенді жұмысты жалғастыруда.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

20.01.2025, 14:04 2826

Жетісуда полиция трансұлттық ұйымдасқан қылмыстық топты ұстады

Жетісуда есірткі қылмысына қарсы іс-қимыл бөлінісінің қызметкерлері шетелдік азаматтар мен Қазақстан Республикасының азаматынан құралған ұйымдасқан қылмыстық топты ұстау бойынша операция жүргізді, - деп хабарлайды Polisia.kz.

Ұсталған топ мефедрон психотроптық затын өндіретін есірткі зертханасын басқарған.

Анықталғандай, жазда шетелдік азамат Францияда жүрген кезінде туысына шетелде жұмысқа тұруға ұсыныс жасаған. Олар Қазақстанға келгеннен кейін жетекшілерінің бақылауымен есірткі зертханасын құрып, оның нұсқауы бойынша әрекет еткен. Қазақстан азаматы оларға қажетті құрал-жабдықтарды жеткізіп, есірткі жасырумен айналысқан", - деді ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов.

Ұстау кезінде олардан шамамен 6 кг мефедрон және арнайы құрал-жабдық тәркіленді. Күдіктілер қамауда.

Қылмыстық схеманың басқа да қатысушыларын анықтап, жауапкершілікке тарту үшін тергеу амалдары жүргізілуде", - деді Қуандық Әлжанов.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

20.01.2025, 11:56 3086

Алматыда алаяқтар азаматтарға 25 млрд теңгеден астам шығын келтірген

Алматыда алаяқтар азаматтарға 25 млрд теңгеден астам шығын келтірген, - деп хабарлайды Polisia.kz.

Алматыда өткен жылдан бері 9 мыңнан астам алаяқтық дерегі тіркелді. Қайталанатын қылмыстық әрекеттердің салдарынан азаматтар 25 миллиард теңгеден астам қаржысынан айырылған. Тергеу басқармасы көп эпизодты үш қылмыстық істі қарастырды.

Зардап шеккендердің саны 300-ден 1400 адамға дейін жеткен. Екі қылмыстық іс бойынша тергеу аяқталып, сотқа жолданды.

Ал үшінші іс бойынша тергеу жұмыстары жалғасуда. Жедел ахуалды тұрақтандыру мақсатында полиция халықпен тығыз жұмыс істеуде. Негізгі бағыттардың бірі - тұрғындардың құқықтық сауаттылығын арттыру.

Бұл БАҚ арқылы, көшелер мен қоғамдық орындарда алаяқтықтың түрлері мен әдістері туралы ақпараттық жадынамалар тарату арқылы жүзеге асырылып жатыр.

Сонымен қатар алаяқтықтың жаңа әдістері, оларды жасау жолдары және алдын алу шаралары бойынша тұрақты түрде мониторинг жүргізіліп жатыр.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

17.01.2025, 11:43 34731

Ірі алаяқтық жасады деген күдікті Беларусьтен экстрадицияланды

Ірі алаяқтыққа күдікті Беларусьтен экстрадицияланды, деп хабарлайды Бас прокуратураның баспасөз қызметінен.

Бас прокуратураның қызметкерлері Қазақстанның Беларусьтегі Елшілігінің көмегімен, күдіктіні Беларусь Республикасынан ірі мөлшердегі алаяқтық үшін қылмыстық жауаптылыққа тарту мақсатында экстрадициялады.

Ол, 2022 жылдың қаңтарынан 2023 жылдың тамызына дейінгі кезеңде Түркістан қаласында бір топ адам болып әрекет етіп, кәсіп ашу үшін тегін ақшалай грант алуға көмектесеміз деген сылтаумен 13 азаматтың қаражатын ұрлаған, оларға 10 миллион теңгеден ірі мөлшерде шығын әкелді.

Бұл қылмыстың сыбайласы сотталған, ал күдікті заңсыз әрекет жасағаннан кейін қашып кеткен және халықаралық іздеуге жарияланған.

2024 жылдың қазан айында ол Беларусьте ұсталып, Қазақстан Бас прокуратурасының өтініші бойынша отанына экстрадицияланды.

Қазір күдікті Астанадағы тергеу изоляторына қамалды.

Бұл қылмысты жасағаны үшін мүлкін тәркілеу арқылы үш жылдан жеті жылға дейін бас бостандығынан айыру түрінде жаза қарастырылған.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

17.01.2025, 11:21 35306

Ақтөбе облысындаа балабақшаға қарақұмықтың бағасын 500%-дан астам көтеріп жеткізіліп отырған

1100-ден астам мемлекеттік мекемелер (мектептер, балабақшалар, ауруханалар, балалар үйі және т.б) азық-түлікті жоғары бағамен сатып алған, деп хабарлайды Қаржылық мониторинг агенттігінің баспасөз қызметінен.

2024 жылы Қаржылық мониторинг агенттігі азық-түлік бағаларын көтерудің 817 жағдайын анықтаған, оларға қатысты материалдар өңірлік комиссияларға тапсырылды.

685 мекеменің мемлекеттік сатып алу келісімшарттары қайта қаралып, нәтижесінде 370 млн теңгеден астам қаржы үнемдеуге себін тигізді.

Агенттік мемлекеттік мекемелердің азық-түлік сатып алу қызметін қадағалап, "алып-сатарлық" схемаларды анықтауға бағытталған жобаны жүзеге асыруда.

Бұл жұмыс кәсіпорындардың қызметіне араласусыз, тек IT құралдарын пайдалану арқылы жүргізіледі.

Жүргізілген жұмыс нәтижесінде 69 тиімсіз делдал шеттеліп, 600 әкімшілік хаттама толтырылды, 11 млн теңге көлемінде айыппұл төленді.

Осылайша, Ақтөбе облысының 80 балабақшасында ҚМА Департаменті қабылдаған шаралары нәтижесінде қарақұмықтың, картоптың, сәбіздің, қанттың, жұмыртқаның және тұздың бағасы төмендетілді. Мәселен, бір кәсіпкер балабақшаға қарақұмықтың бағасын 500%-дан астам көтеріп жеткізіп берген.

Қостанайда 117 әлеуметтік мекеме қарақұмықты, қантты, пиязды, картопты және жұмыртқаны 180%-ға дейін үстемақы қосып сатып алғаны анықталды. ҚМА Департаментінің араласуынан кейін Қостанай облысындағы барлық мемлекеттік мекемелерде қосымша келісімшарттар жасалып, нәтижесінде 60 млн теңгеге жуық қаржы үнемделді.

Осындай жұмыстар Астанада және Қарағанды облысында 175 балабақшада да жүргізіліп, 100 млн теңгеден астам қаржы үнемделді.

ҚМА мемлекеттік мекемелер өнім өндірушілерден және ірі көтерме саудагерлерден тікелей сатып алу, сауда үстемақыларын асыра көтергені үшін әкімшілік жауапкершілікті күшейту, заңсыз алынған табыс көлеміне пара-пар айыппұлдар қолдану, бағалардың негізсіз өсуіне жол бермеу бойынша бірқатар кешенді шаралар әзірледі.

ҚМА қоғамдағы заңдылық пен тәртіпті қамтамасыз ету, экономикалық және қаржылық құқық бұзушылықтарға қарсы іс-қимыл бойынша белсенді жұмысты жалғастыруда.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

16.01.2025, 19:00 43141

Бөтелкелестерін өлтіріп, өртеп жіберген деп айып тағылғандар сотталды

Бөтелкелестерін өлтіріп, өртеп жіберген деп айып тағылғандар сотталды, деп хабарлайды Ақмола облысы сотының баспасөз қызметінен.

Щучинск қаласында Б. өзінің бірге тұратын Д. және танысы М.-мен спирттік ішімдіктерді ішіп, пайда болған дау-дамай барысында жіп арқанмен М.-ді тұншықтырып, өлтірген.

Қылмысты жасыру мақсатында Б. бірге тұратын Д.-мен мәйітті орман ішіне апарып, алдын ала үстіне еріткіш құйып, өртеген.

Аталған қылмыстық іс алқабилердің қатысуымен қаралып, Б. адам өлтіргені (ҚК-нің 99-бабының 1-бөлігі), ал Д. ауыр қылмысты жасырғаны (ҚК-нің 432-бабы) үшін кінәлі деп танылды.

Сотталғандардың кінәсі олардың кінәні мойындау түсініктерімен, куәгерлердің айғақтарымен, оқиға болған жерді және автомобильді тексерумен, сараптамалардың қорытындыларымен және істің басқа да материалдарымен дәлелденді.

Жаза тағайындауда сот ауырлататын мән-жайлар ретінде қылмыстың масаң күйінде жасалғандығын, бұрын ауыр қылмыс жасағаны үшін сотталған Б.-ның әрекеттерінде қауіпті рецидивтің болуын ескерді.

Сот үкімімен Б.-ға 12 жыл, Д.-ға 5 жылға бас бостандықтарынан айыру жазасы тағайындалды. Сотталған Б.-дан жәбірленушінің пайдасына келтірілген моральдық зиян және материалдық залал өндіріп алынды.

Сот үкімі заңды күшіне енген жоқ.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Яндекс карталар мен 2ГИС Шымкент жүргізушілерін жолдың қауіпті учаскелері туралы ескертеді

тақырып бойынша жаңалықтар

Ең көп оқылғаны

Өзекті

2025 жылы 12 миллион 400 мың тұрғын газбен қамтамасыз етіледі