Қазақстанда барлық қаржы мекемелерінің қызметі уақытша тоқтатылды

Астанада кәмелетке толмағандардың қауіпсіздігін қамтамасыз ету мақсатында Сарайшық ауданында алдын алу рейді өтті, деп хабарлайды елорда әкімдігінің ресми сайты.

Аудандық полиция басқармасы мен әкімдік қызметкерлері жастар жиналатын орындар мен көшелерді тексерді.

Рейд түнгі 22:00-де басталып, аталған уақыттан кейін көңіл көтеру орындарында болған 5 жасөспірім полиция бөлімшесіне жеткізілді.

Жасөспірімдердің заңды өкілдері әкімшілік жауапкершілікке тартылып, балалармен және олардың ата-аналарымен профилактикалық әңгімелер өткізілді.

Егер бір жыл ішінде аталмыш жағдай қайталанатын болса айыппұл салынатыны ескертілді.

 

Абай облысында жасөспірімдер арасындағы жанжал ерекше бақылауға алынды: жәбірленушіге жан-жақты көмек көрсетілуде, деп хабарлайды облыстық полиция департаментінен.

Абай облысында орын алған соңғы оқиғаға байланысты қылмыстық іс қозғалды. Жанжалға қатысқан барлық тараптар анықталып, ата-аналарымен бірге полиция бөліміне жеткізілді.

Қазіргі уақытта жәбірленуші жасөспірімге ерекше назар аударылуда - ол арнайы орталықта мамандардың бақылауында. Психологтар мен бала құқықтары жөніндегі уәкіл оған қажетті қолдау көрсетіп, оқиғадан кейінгі эмоционалдық әсерлерді жеңуге көмектесуде. Білікті мамандар жасөспірімнің психологиялық жағдайын қалпына келтіру үшін жұмыс жүргізіп жатыр.

Оқиғаға қатысы бар жасөспірімдерге қатысты тиісті шаралар қабылданатын болады. Ертең кәмелетке толмағандардың құқықтарын қорғау жөніндегі облыстық комиссияның отырысы өтеді, онда әрбір қатысушының әрекеті жеке қаралып, қажетті шешімдер қабылданады.

 

Солтүстік Қазақстан облысында 7,4 мың тұрғыны бар 88 ауылдық елді мекен таза ауыз сумен қамтамасыз етілмеген, деп хабарлайды Inform.kz.

Солтүстік Қазақстан облыстық қоғамдық кеңестің биылғы алғашқы отырысында өңір елді мекендерін сумен қамту мәселесі көтерілді. Жол картасы бойынша биыл бұл мәселе толық шешілуі тиіс. Мәселен сумен жабдықтау нысандарын салуға және жаңғыртуға даму бюджеті аясында шамамен 11,7 млрд теңге бөлінген. Бұл ақшаға 37 ауылға су тартылады. ҚР Су ресурстары және ирригация министрлігі су шаруашылығы комитетінің желісі бойынша 5 ауылға таза су келмек және 46 ауылға кешенді модульдер блогы орнатылады.

- Қазіргі уақытта республикалық бюджеттен 15,1 млрд теңге сомасында қаржы бөлу мәселесі пысықталып жатыр. Елді мекендер ішіне сумен жабдықтау желілерін тарту топтық су құбырларының инфрақұрылымын ауыл шекараларына дейін жеткізу жөніндегі жоспарлармен сәйкестендірілуі тиіс. Облыстық бюджетті кезекті нақтылауда бірінші кезектегі шығыстар бойынша бюджеттің шығыс бөлігін ұлғайту керек, атап айтқанда, облыс тұрғындарын таза ауыз сумен қамтамасыз етуге қаражат бөлу ұсынылады, өйткені бұл маңызды әлеуметтік бағыт. Осыған байланысты, облыстың энергетика және тұрғын үй-коммуналдық шаруашылық басқармасы бойынша 2 160 млн теңгеге ұлғайтуды ұсынамыз, - дейді СҚО қаржы басқармасының басшысы Наталья Дышкант.

Жоба бойынша Айыртау ауданына ғана сумен жабдықтау үшін 598,1 млн теңге керек. Бұл ауданда 11 елді мекен таза сусыз отыр. Тайынша ауданына 765,7 млн, Шал ақын ауданына 710,9 млн, Есіл ауданына 67,1 млн және Мамлют ауданына 18,2 млн теңге керек.

Бұған дейін СҚО-да былтыр суда қалып, шіри бастаған 1130 га ағаш жиналғандығын жазған едік.

 

Шығыс Қазақстан облысындағы Катонқарағай ауданында жұмыс уақыты бір сағатқа кері шегерілді, деп хабарлайды Inform.kz.

Катонқарағай ауданында мемлекеттік және әлеуметтік мекемелерде пилоттық режимде жаңа жұмыс кестесі енгізілді.

Енді аудандағы 40 мекеме аптасына бес күн сағат 08:00-ден 17:30-ға дейін жұмыс істейді. Түскі үзіліс 12:00-ден 13:30-ға дейін. Мұндай жұмыс режиміне көшу туралы шешім тұрғындармен болған талқылаулардан кейін қабылданып отыр.

Желтоқсан айында ауданға бір топ облыстық басқармалар басшылары келіп, соның ішінде Өрел, Аршаты, Берел, Жамбыл және тағы басқа жиыны 18 елді мекенде кездесулер өткізді. Сол кездесулер барысында жұмыс күнінің басталуын таңғы сағат 08:00-ге ауыстыру жайы сөз етілді.

- Жаңа жұмыс уақыты климаттық жағдайлар мен жергілікті тұрғындардың өмір ырғағын ескере отырып, өнімділіктің артуы мен өңірдің дамуына ықпал етеді. Сондықтан тұрғындардың пікірлері ескерілді, - деп хабарлады аудандық ішкі саясат бөлімінен.

Катонқарағайлықтар да бұл жұмыс кестесінің өздеріне қолайлы екенін айтып жатыр.

Еске салсақ, бұған дейін Катонқарағай ауданының халқы мал соятын қасапхана таппай, қиналып отырғаны жайлы жазғанбыз.

 

Павлодар облысы бойынша 52 ауыл қарғын судың құрсауында қалуы мүмкін. Сутасқынынан пайда болатын ықтимал апаттардың алдын алу бойынша өңірде қандай жұмыстар жүргізіліп жатыр?

Керекуге көктем ерте келеді

Ауа райын болжаушылар көктем Керекуге ерте келеді деп хабарлап қойды. "Қазгидромет" РМК филиалының директоры Галина Шпактың ақпараты бойынша ақпанның екінші жартысында ылғал мол түседі. Температура нормадан 2 градусқа жоғары боладыб деп хабарлайды Inform.kz.

Наурыз айында даауа температурасы жылдағыдан 2 градусқа жоғары болмақшы. Топырақта қалған күзгі ылғалдың көлемі 60%-ға артса, қардағы судың қоры данормадан 7%-ға асып тұр.

Былтырғыдан төмен жалғыз ғана көрсеткіш- топырақтың орташа қату тереңдігі, олөткен жылмен салыстырғанда 41%-ғааз. Аймаққа негізгі қауіп көршілес Ақмола және Қарағанды облыстарынан келетіні дежасырын емес.

Аталған өңірлерде жиналып қалған ақ ұлпаның көлемі былтырғыдан 1,5 есе артық. Осыған байланысты негізгі күштер мен құралдар тобын Ақтоғай және Баянауыл аудандарына жіберу қарастырылған. Қазір облыста жедел штаб құрылған.

-Былтыр көктемдегі ауыртпалықты ескере отырып, жаз бен күзде 18,89км қорғаныс бөгеттері тұрғызылды. 4,8км бұрма арналары жөнделіп, кейбірі қайта салынды. Автомобиль және темір жолдардың астына 24 суөткізу құрылыстары орнатылып, ауыстырылды. Арналар мен өзендердің учаскелерінде 7,8км тереңдету жүргізілді. Инженерлік жұмыстар жоспарымен 31 іс-шара іске асырылды. Жергілікті атқарушы органдар сутасқыны кезеңі үшін 5973 тонна инертті материалдар, 35 мың данадан астам қаптар, 68,6 тонна жанар-жағармай әзірлеп, тамақтануға 139 ниет шартын және жарылыс жұмыстарына 7 шарт жасасты. Сонымен қатар, мемлекеттік материалдық резервтен қозғалтқышының қуаттылығы 100 кВт, секундына 625 литр суайдайтын екі жылжымалы сорғы стансасы (АЕМ 500/10) берілді, -дейді облыстық төтенше жағдайлар департаментінің бастығы Рустамбек Амрин.

Ықтимал сутасқынымен күресуге 2327 адам, 699 инженерлік және арнайы техникалар, 23 жүзу құралы, 355 мотопомпа дайындалып қойған.

Қажет болған жағдайда Ертіс өзені бойында және оған кіретін өзендерде жарылыс жұмыстарын жүргізуге Аққулы, Май, Железин, Ертіс, Тереңкөл, Ақтоғай аудандарында және Ақсу қаласында 7 шарт жасалған.

-Бүгінгі таңда Шығыс Қазақстандағы Шүлбі суқоймасындағы судың көлемі 81,5% құрайды (өткен жылмен салыстырғанда 3,5 пайызға артық). Осыған байланысты Павлодар және Ақсу қалаларының әкімдіктері қысқа мерзімде Ертіс өзенінің жағасын нығайту жұмыстарына кірісуі қажет,- дейді департамент бастығы.

Сутасқынының алдын алу іс-шараларына облыстағы бюджеттерден 603,4млн теңге бөлу көзделіп отыр. Қаражат қаптар, инертті материалдар, мотор сорғылары, шлангтар мен құбыршек, жанар-жағармай материалдарын сатып алу, еріген суды сору, тырмалау, қар шығаруға және т.б. жаратылады.

Аймақта қар еріп, өзен-көлдер көтерілген уақытта 52 елді мекенді субасу қаупі бар. Субасу қаупіне неғұрлым бейім ауылдық жерлердегі тәуекелдерді төмендету мақсатында Атамекен кентінде, Кенжекөл ауылы мен Ақсу қаласы маңында қорғаныс үйінділерін нығайту жүргізілген.

Өткен жылы сутасқыны кезінде ең көп зардап шеккен Ақтоғай ауданының Жалаулы ауылындажалпы сыйымдылығы 200 мың текше метр болатын 3 қазаншұңқыр қазылып, ұзындығы 2,3км, биіктігі 3 метрге дейін топырақ үйінділері салынды.

АлБаянауыл ауданының Қаныш Сәтбаев, Ұзынбұлақ, Жаңажол және Жаңатілек ауылдарында лиманды суару жүйелерін реконструкциялау бойынша жобалар іске асырылуда.

Жобалар Айдос, Қарасу, Ащы өзендерінен келетін тасқын суларды жинақтауға және оларды лиманды суармалы жерлерге бөлуге бағытталған. Оның нәтижесінде Баянауылдағы 17 елді мекенді субасу қаупін азайтады.

-Өткен жылдардың қателігі облысқа сабақ болды. Кейбір жерлерде көктемгі субасудың қауіп-қатерін азайту үшін кешенді түрде жұмыстар жүргізіліп жатыр. Яғни жалпы құны 6,5млрд теңге қаражатқа бірқатар инвестициялық жобалар өміршең етілді. Атап айтқанда, Сілеті өзенінің облыс шекарасындағы арнасын тазартып, түбін тереңдету, жағалауды нығайту, Башмачное ауылында жағалауды бекіту жұмыстары іске асты. Қазір аумағымызда орналасқан 23 гидротехникалық құрылыс тұрақты мониторингте тұр (суқоймалары, бөгеттер және т.б.). Автожолдарда орналасқан 1 278 суөткізу құбыры бар. Қалалар мен аудандардың әкімдеріне 20 ақпанға дейін қар шығару жұмыстарын жүргізу, 1 наурызға дейін "ҚазАвтоЖол" филиалымен бірлесіп жолдардағы суөткізу құбырларын ашу жөнінде шаралар қабылдау тапсырылды. Өңіріміз "Жасыл аймаққа" жатқызылғанына қарамастан, дайындығымыз жоғары деңгейде болуы керек. Баянауыл, Ақтоғай, Павлодар, Май аудандары ерекше назарда болады. Аудан әкімдері субасатын тарихи орындарды зерделеп, ауа райына, суайдындарының толуына мониторинг жүргізіп, халықты және инфрақұрылымды қорғау үшін барлық алдын алу шараларын қабылдауы қажет. Жалпы дайындығымыз мығым,- дейді облыс әкімінің бірінші орынбасары Серік Батырғұжинов.

Аудандардағы ахуал қалай?

Мамандардың сөзіне құлақ түрсек, биыл негізгі қауіп Ақтоғай, Баянауыл, Павлодар аудандарында туындауы мүмкін. Ендеше аталған аудандардың дайындығы көңілден шыға ма?

Баянауыл ауданының әкімі Ардақ Кісентаевтың айтуынша, таулар мен далада жиналған қар қорынан бөлек, бірнеше суқоймасы орналасқан Қарағанды облысынан дамол сукеледі деп күтілуде.

-Сутасқынына жедел ден қою үшін көлік құралдары мен құрал-жабдықтар, жанармай қоры, инертті материалдар дайындалды. Ауданның автожолдарында 378 суөткізетін құбыр ашылады. Ауылдық аумақтардан қазірге дейін 2625 тонна қар шығарылды. Баянауылдағы сутасқыны жағдайының күрделенуі негізінен Ащысу өзенімен байланысты. Қолдағы мәліметтерге сүйенсек, Қарағандыдағы "Қаратоқа" суқоймасының жобалық көлемі- 3млн шаршы метр болса, қазір оған 1млн шаршы метрдей сужиналған. Ал4,2млн текше метр сусыятын "Ақжар" суқоймасы қазіргі күні 71%-ға толған. Бұл жағдай бізді алаңдатады,- дейді аудан басшысы Ардақ Кісентаев.

АлАқтоғай ауданы бойынша 7 елді мекен бақылауға алынған. Түсіндіре кетсек, Шұға, Шілікті, Жалаулы ауылдарына қалың түскен қардың еруі, Шолақсор ауылына Ақмола облысындағы Сілетіден келетін су, Әуелбек, Жаңабет, Жамбыл ауылдарына Ертіс өзенінің тасуы қауіп төндіреді. Жеті ауылда жалпы саны 2043 адам тұрып жатыр.

-Былтыр Жалаулы ауылында оннан астам үйді төтеннен келген топан субасып қалған еді. Елді мекенде 3 қазаңшұңқыр салынып, биыл келетін мол суды сол "жұтып" қоя мадеген үмітіміззор. Шұға ауылының аумағында Басқамыс-Қарақоға-Шұға-Жолболды автожолында 8 суөткізгіш құбырбар. Көктемгі кезеңде еріген суды төменгі учаскелерге бұру жұмыстары қосымша жоспарланып қойды. Әуелбек, Жаңабет, Жамбыл ауылдарында өткен жылы биіктігі 2-2,5 метр болатын топырақ үйінділері тұрғызылды. Ауылішілік жолдарды қысқы күтіп ұстауға, оның ішінде қар шығаруға аудандық бюджеттен 30,1млн теңге бөлінді. Алшұғыл шығындар үшін 24,6млн теңге қарастырылып қойды,- деп хабарлады Ақтоғай ауданының әкімі Қаршыға Арынов.

Павлодар ауданы бойынша дадайындық пысықталып жатыр. Аудан басшысы Дидар Ибраев жуықта қауіп туындауы ықтимал Розовка, Рождественка, Ефремовка, Заря ауылдары тексерілгенін мәлім етті.

Мичурин, Жаңа қала, Черноярка, Сычевка, Каракөл және Пресное ауылдарында 3,8км қорғаныс бөгеттері тұрғызылып, нығайтылған. Биыл мұндағы елді мекендерден 12 мың тоннаға жуық қар шығарылады деп болжанып отыр.

Сәтбаев суарнасында комиссия құрылды

Сәтбаев атындағы каналда сутасқыны кезеңінде төтенше жағдайлардың алдын алу және олардың салдарын жою бойынша комиссия құрылды.

Мұндағы өндірістік нысандарда төтенше жағдайлардың алдын алу және алдын алу бойынша іс-шаралар жоспары түзіліп, 1 наурыздан бастап бөлімшелерде тәуліктік кезекшілік ұйымдастыру көзделіп қойған.

ҚР Суресурстары және ирригация министрлігі "Қазсушар" РМК Павлодар филиалының басшысы Арман Оспановтың сөзінше, арна бойында 8 техника дайындалған.

-Павлодар филиалының нысандары мен гидротехникалық құрылыстарынан елді мекендерді субасу қаупі жоқ. Қазіргі таңда филиал нысандарында бөгеттерді, кірме жолдар мен гидротехникалық құрылыстарды қардан тазарту жұмыстары жүргізіліп жатыр. Биыл Шідерті өзенінің жайылмасына 120млн текше метр көлемінде сужіберіледі деп күтіліп отыр. Нәтижесінде көптеген шөліркеп қалған жерлертіршілік нәріне қанады. Павлодар, Май және Ақтоғай аудандарында жалпы аумағы 16,7 мың гектар тұрақты суармалы жерлерді қалпына келтіру бойынша төрт жоба іске асырылуда. АлҚР сушаруашылығын дамытудың 2024-2028 жылдарға арналған кешенді жоспарына сәйкес, Аққулы, Май, Ақтоғай аудандарында суару жүйелерін (сағаларды) қайта құру жоспарланды,- дейді кәсіпорын басшысы.

 

Елімізде жыл сайын 38 мыңнан астам адамды ит қабады. Бұл туралы Мәжіліс депутаты Еділ Жаңбыршин мәлім етті, деп хабарлайды Inform.kz.

- Өткенде ғана Маңғыстау өңірінде болған оқиға барша ата-аналардың уайымын күшейтті. Өздеріңіз де естіп-біліп отырсыздар, 16 жастағы бала итке таланып, ауыр жағдайда ауруханаға түсті. Біреулер "қазір ештеңеге таң қалуға болмайды, онда тұрған не бар?" деуі мүмкін, бірақ мәнісіне терең үңілсек, бұл оқиға бірнеше қоғамдық проблеманың бетін ашып берді... Соңғы кезде балаларды қойып, бұралқы иттер ересектерге шабуыл жасаған оқиғалар да көбейіп кетті. Сонда бұралқы, аш иттерді тыя алмасақ, жас бала мен қорғансыз кәрілерді олардан қорғай алмасақ, біз кімбіз?! Бұралқы иттер туралы сөз болса, жануарлар құқығын қорғаушы кейбір ұйымдар өре тұрады. Түсінеміз, олар ЮСАИД сияқты батыстық ұйымдардан алған гранттарының ақшасын ақтауы керек болар. Бірақ, жануарлар құқығы Адам құқығынан жоғары болғаны ма?! Адамның қауіпсіздігі бірінші орында тұруы тиіс, - деді Е. Жаңбыршин Үкімет басшысының атына жолдаған сауалында.

Оның айтуынша, қолданыстағы заңнама аясында бұралқы иттерді ұстап, оларға стерилизация, екпе жасап, қайтадан бос жіберу қарастырылған. Бірақ мұндай практика қоғамды алаңдатып отырған проблеманың шешімін табуға көмектеспеді.

- Ресми статистикаға сүйенсек, елімізде жыл сайын 38 мыңнан астам адамды ит қабады. Ойланып қараңыздаршы, сонда күніне 104 адамды ит талайды. Ал оның кемінде жартысы - 14 жасқа дейінгі балалар. Бұл - ресми цифрлар, қорқынышты әрі сұмдық статистика. Бірнеше Мәжіліс депутаттары болып, осы мәселені реттеу үшін заң жобасын әзірлеп, Парламентте талқылап жатырмыз. Өйткені босатып жіберген бұралқы ит қоғамға қауіпті және экономикалық жағынанда тиімсіз болып тұр, - деді депутат.

Оның сөзіне қарағанда, қала мен ауылда бұралқы иттер санының азаймай отырғанының бір себебі - оларды асырап алған адамдардың жауапсыздығы.

- Бұралқы иттерді арнайы үй-жайларда ұстап, оларды күтіп-бағуға мемлекеттік бюджеттен қыруар ақша бөлінеді. Есептеп көріңіздер, мектепте бір баланы тамақтандыруға мемлекеттік бюджеттен күніне 840 теңге бөлінеді, ал бір итті стерилизация, вакцинация, чиппен және операциядан кейін күтіп ұстауға 20 мыңнан 40 мыңға дейін қаржы керек екен. Әділет қайда? Адамға деген жанашырлық қайда?

Сондықтан, "Жануарларға жауапкершілікпен қарау туралы" ҚР заңына біздер ұсынған иесіз, бұралқы иттерді 15 күннен соң эвтаназия әдісімен ұйықтату нормасы - гуманистік шешім деп білемін. Бұл АҚШ, Жапония, Израиль, Франция, Ұлыбритания, Литва сияқты әлемнің көптеген елдерінде қолданылатын әдіс. Осыған орай, қоғамда қажетсіз дау көтеріп жүрген кейбір "жануар құқығын" қорғаушылар ең алдымен адам құқығы мен адам қауіпсіздігі деген мәселені еске алсын. Тіпті, олар ақбөкендер мен Каспийдің ит балығы мыңдап қырылғанда неге бастарын бұғып үндемей қалды? Әлде батыста отырған "дирижерлері" гранттарын тек иттер мен мысықтарды қорғау үшін берді ме?, - деді Еділ Жаңбыршин.

Оның пайымынша, бұралқы иттердің мәселесін қоғамда жүйелі түрде шешу үшін Үкімет тиісті мәселелерді қолға алуы керек:

- Біріншіден, өздерін "зооқорғаушылармыз" деп тіркелген барлық ұйымдардың қандай көздерден және қандай мақсатта қаржы алғанын тексеру қажет;

- Екіншіден, азаматтарды, Парламент депутаттары мен мемлекеттік қызметкерлерді әлеуметтік желілер мен БАҚ-да балағаттап, қаралау, жала жабу фактілерін зерттеп және зерделеп, оларды ұйымдастырып отырған тұлғаларды анықтап, олардың іс-қимылына құқықтық баға берілуі тиіс.

- Қолданыстағы заңның аясында көшедегі бұралқы иттерді жаппай ұстап, қамау шараларын алсын, агрессия көрсеткендерін және жұқпалы аурумен ауратындарына эвтаназия жасау мүмкіндіктерін қарастырсын, - деді депутат

Еске салсақ, биыл қаңтар айында Маңғыстау облысында жасөспірімді ит талап тастады.

 

Алматыда қалалық Мәслихаттың кезектен тыс XXVII сессиясы өтті. Күн тәртібіндегі мәселелердің бірі-жаңадан құрылған қоғамдық көлік маршруттарын халыққа қолжетімді ету үшін әлеуметтік маңызы бар деп тану, деп хабарлайды Алматы қаласы әкімдігінің баспасөз қызметінен.

Қалалық Мәслихат депутаттарының алдында сөйлеген сөзінде Алматының мобилділік басқармасының басшысы Сағындық Телібаев қала маңындағы тұрғындардың едәуір бөлігінің қоғамдық көліктің жетіспеушілігі проблемасына тап болып отырғанын, бұл оларды жеке тасымалдау қызметтерін пайдалануға мәжбүр ететінін атап өтті.

Отырыс қорытындысы бойынша депутаттар бұл ұсынысты қолдады.

Айта кетейік, 2024 жылы Алматы әкімі Ерболат Досаевтың тапсырмасымен қалада қала маңындағы 20 және 2 қалалық маршрут іске қосылды. Ағымдағы жылы қоғамдық көліктің қолжетімділігін арттыру және дамыту мақсатында 800 экологиялық таза автобус сатып алу жоспарлануда.

 

Zhastarmen жастарды әлеуметтік маңызды бастамаларға тарта отырып, есірткіге қарсы құқық бұзушылықтармен күресті белсенді түрде жалғастыруда, деп хабарлайды ҚР Бас прокуратурасының баспасөз қызметінен.

Жақында Алмалы ауданында өткізілген торуылдаулар (рейдтер) студенттердің, Полиция департаментінің және ҚР ҚМА Кинологиялық орталығының өзара іс-қимылының тиімділігін көрсетті.

Есірткі құқық бұзушылық картасы негізінде ұйымдастырылған бірлескен торуылдау аясында есірткі құралдарын жасырын белгілеушілер ұсталды.

Олардың біреуінен тыйым салынған заттың 40 орамы тәркіленді, бұл ҚР ҚК-нің 296-бабы 3-бөлігінің 3) тармағымен (есірткі құралдарын, психотроптық заттарды, сол тектестер мен прекурсорларды заңсыз сақтау) сотқа дейінгі тергеп-тексеруді бастауға негіз болды.

Сондай-ақ торуылдауға қатысушылар ғимараттарға салынған 100-ден астам наркограффитіні жойып, есірткі жарнамасын таратқан адамдарды ұстады.

Есірткі қаупіне қарсы іс-қимыл жөніндегі жұмыс жалғасуда және "Zhastarmen" жобасы барлық адамдарды сырт қалмай, қоғамдағы позитивті өзгерістердің бір бөлігі болуға шақырады!