Нұр-Сұлтандағы нүктелі құрылыс қала тұрғындары наразылығының ошағына айналды
ҚХП "SOS ЦЕЛИНОГРАД" бастамашыл тобының мүшелерін, аудан әкімдігінің өкілдерін, сарапшыларды шақырды.
Қалалық ортаның сапасы төмен. Бұл – қаладағы шиеленістің ушығуына әкеледі. Оның соңы кейде драмалық жағдайға ұласуы мүмкін. Біз Алматыдағы наразылық кезінде кездейсоқ адамның қаза болғаны туралы қайғылы оқиғаны көрдік", – деді "TALAP" қолданбалы зерттеулер орталығының директоры Рахым Ошақбаев.
Қала тұрғындарының пікірін ескермей, нүктелі құрылыс салу мәселесі бұған дейін сәуір айында "QazUrban" форумында талқыланды. Онда тұрғын үй құрылысының проблемалы нысандарының белсенділері сөз сөйледі.
Бұл мәселе жүйелі деңгейде де, заңнамалық деңгейде де, нақты нысандар бойынша да шешіліп жатқан жоқ деп ойлаймын", – деп атап өтті Рахым Ошақбаев.
5 ай бойы "SOS ЦЕЛИНОГРАД" бастамашыл тобы көпқабатты тұрғын үй кешені мен олардың жанындағы бизнес-орталықтың құрылысын тоқтатып, орнына тынымбақ пен балаларға білім беру орталығын салу мәселесін көтеріп келеді.
Құрылыс Күмісбеков және Қосшығұлұлы көшелерінің қиылысындағы аумағы 1,5 га жерді алып жатқан гараж кооперативінің орнында жүргізілуде. Қала әкімдігі төрт 21 қабатты ТК, екі 9 қабатты бизнес-орталық, 7 қабатты паркинг салуға рұқсат берген.
Белсенділер Қазақстан Халық партиясынан көмек сұрады.
ҚХП жауапты мемлекеттік органдарға сауал жолдады. Сонымен қатар партияға жүгінген қала тұрғындарына онлайн-форматта елорданың проблемалық нысандары айналасындағы жағдайды бақылауға сарапшыларды, шенеуніктер мен тұрғындарды шақыруды ұсынды.
"SOS ЦЕЛИНОГРАД" бастамашыл тобының және "Menin Elim Dala" қоғамдық бірлестігінің мүшесі Айжан Атежанованың айтуынша, тұрғындар өз ауданындарының жоспары жайлы толық ақпарат ала алмаған. Шенеуніктердің ақпарат беру туралы өтінішті елеусіз қалдырғаны тұрғындарды өз құқықтары үшін күресуге мәжбүрлеген.
Тек біздің бастамашыл топтың атынан 5 айда өзіміздің учаске бойынша 30-ға жуық хат жолдадық", – деді Айжан Атежанова.
Қала тұрғындары бейбіт митинг өткізуге өтініш берген, алайда аудан әкімдігі өтінішті қанағаттандырудан бас тартқан.
Құрылыс нысандарының тығыз орналасуы қазірдің өзінде ыңғайсыздық туғызып жатыр. Айжан Атежанованың айтуынша, күн сайын ауладағы орындықтарда отыру үшін кезек қалыптасады. Аумақта мектеп, балабақша және балаларға білім беру орталықтары жетіспейді. Тұрғындар балаларды Оқушылар сарайына апаруға мәжбүр.
Сарыарқа ауданы қалалық жоспарлау бөлімінің басшысы Сәуле Әлқуатова "Целиноград" ТК тұрғындарының жоспарланып отырған құрылыс туралы ақпаратқа еркін қолжетімділіктің жоқтығына қатысты шағымына "бұл ақпараттың қолжетімділігі шектеулі" деп жауап берді.
ҚХП парламенттік фракциясының мүшесі, ҚР Парламенті Мәжілісінің депутаты Ирина Смирнованың пікірінше, мұндай жағдайға жол берілмеуі керек.
Шенеуніктерді сендіру уақыты өтті, нақты іс-қимыл уақыты келді. Біз партия ретінде, Халық партиясы ретінде азаматтық сектормен белсенді ынтымақтасамыз және іс-қимылдың тиімді тетігін әзірлеуге тиіспіз", – деді депутат.
Бастамашыл топ елорда әкімдігі шенеуніктерінің жауабына құқықтық баға алу үшін ҚР Бас прокурорымен және ҚР Сыбайлас жемқорлыққа қарсы қызмет төрағасымен кездесу ұйымдастыруды ұсынды.
ҚХП тұрғындар үшін ымыралы және ыңғайлы шешім қабылдау мақсатында елорда әкімдігінің нүктелі құрылыс салуды тоқтата тұруға қол жеткізуге тырысатын бастамашыл топтарды қолдауы маңызды деп санайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыда денсаулық сақтау жүйесін қаржыландыру 2,5 есеге артты
Осы жылдың тамыз айында Қазақстанда алғаш рет балалар арасында (3 жасқа дейін) мүгедектікті төмендету үшін ведомствоаралық өзара іс-қимыл негізінде ерте араласу орталығы құрылды. 2 МСАК орталығы мен 1 емхана, сондай-ақ Балалар шұғыл медициналық көмек орталығының жаңа корпусы ашылды, деп хабарлайды Алматы қаласы әкімдігінің баспасөз қызметінен.
2024 жылдың соңына дейін 2 жаңа емхана салуға және 5 ірі аурухананы жаңғыртуға жобалау-сметалық құжаттама әзірлеу аяқталады. Құрылыс-монтаж жұмыстары 2025-2026 жылдары жүргізілетін болады.
Айта кетерлігі, 2024 жылы денсаулық сақтау инфрақұрылымын жаңғыртуды қаржыландыру 2,5 есеге 26,3 млрд теңгеге, 2025 жылы тағы 2,6 есеге 69,4 млрд теңгеге дейін ұлғайтылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ағымдағы жылдың 10 айында сібір жарасының жиілігі екі есе төмендеді
Қазақстанда 2024 жылдың соңғы 10 айында сібір жарасымен сырқаттанушылық өткен жылдың сәйкес кезеңімен салыстырғанда екі есе төмендеді, деп хабарлайды ҚР Денсаулық сақтау министрлігінің баспасөз қызметінен.
Ағымдағы жылы барлығы 17 жағдай тіркелді.
Сібір жарасы - бұл ауыл шаруашылығы жануарларына және жабайы аңдарға, сондай-ақ адамдарға әсер ететін аса қауіпті инфекциялық ауру. Ауру көбінесе ауыр ағыммен өтеді және өлімге әкелуі мүмкін. Ол септикалық, ішек және өкпе түрін қоса алғанда, тері немесе жалпыланған түрде өтеді. Сібір жарасының қоздырғышы - топырақта жылдар бойы сақталатын сібір жарасы микробы. Инфекция ауру жануарлармен, олардың етімен және мал өнімдерімен, сондай-ақ топырақ арқылы байланыс болған кезде туындайды.
Аурудың инкубациялық кезеңі бірнеше сағаттан 14 күнге дейін, бірақ көбінесе симптомдар инфекциядан кейін 3-6 күннен кейін пайда болады. Оларға жалпы әлсіздік, жоғары температура, лимфа түйіндерінің ісінуі және жүрек соғуының жоғарылауы жатады. Адам сібір жарасы ауруымен ауыратын жануарлардан жұқтыруы мүмкін, оларға ірі қара мал, жылқы, есек, қой, ешкі, бұғы, түйе жатады", - деп хабарлады Қазақстан Республикасы Денсаулық сақтау министрлігінің Ұлттық Қоғамдық денсаулық сақтау орталығы.
Инфекция жануарларға күтім жасау, сою, етті өңдеу кезінде, сондай-ақ мал шаруашылығы өнімдерімен - тері, мех бұйымдары, жүн, қылшықтармен жұмыс істеген кезде болуы мүмкін. Бұл жағдайда споралар жылдар бойы, соның ішінде топырақта да сақталуы мүмкін. Жермен байланыс арқылы споралар терідегі микрожарақаттарға түседі, бұл сібір жарасының тері түрінің дамуына әкеледі.
Тері түрі сібір жарасының барлық жағдайларының басым көпшілігін (98-99 %) құрайды. Аурудың карбункулозды түрі жиі кездеседі, оның айналасында қызыл түсті айқын қабынған шеңбер түріндегі қара, ауыртпалықсыз тығыз қотыр пайда болады. Сібір жарасының алдын алу үшін жеке ауыл шаруашылығы малы бар адамдар жеке гигиена шараларын сақтауы, жануарларды вакцинациялауы, ветеринариялық куәландырусыз ауру (өлген) жануарларды өз бетінше союды ұйымдастырмауы қажет", - деп ҰҚДСО-да ұсынымдар берді.
Ет және ет өнімдерін санитариялық-ветеринариялық бақылау жоқ белгісіз жерлерде сауда жасайтын жеке тұлғалардан сатып алуға болмайды. Базарларда ет сатып алу кезінде өнімнің қауіпсіздігін растайтын "ветеринариялық қорытынды" талап етілуі керек. Мал шаруашылығы шикізатын өңдеумен, тасымалдаумен және сатумен айналысатын жұмысшылар жеке гигиена және алдын алу шараларын сақтауы қажет.
Бұл қауіпті инфекцияның алдын алудың маңызды шарасы - жануарларды вакцинациялау.
Ет комбинаттарының қызметкерлеріне, ветеринариялық қызметкерлерге, сібір жарасының қоздырғышымен жұмыс істейтін зертханалардың қызметкерлеріне вакцинамен профилактикалық егулер алу қажет.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2 қарашада Астанада Ауыл шаруашылығы жәрмеңкесі басталады
2 қарашадан бастап Нұрғиса Тілендиев даңғылы, 12а мекенжайында орналасқан "Koktal" СОО-да ауыл шаруашылығы жәрмеңкесі өтеді, деп хабарлайды Астана әкімдігінің баспасөз қызметінен.
Келушілер Қазақстанның бірқатар өңіріндегі жергілікті фермерлер мен өндірушілерден жаңа өнімдерді сатып ала алады. Соның ішінде: жаңа піскен көкеністер мен жемістер, сапалы ет, ұн өнімдері және басқа да көптеген ауылшаруашылық өнімдері.
Жәрмеңке әр демалыс күндері сағат 10.00-ден 22.00-ге дейін 2 қарашадан бастап өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
"Медеу" мұз айдынының жаңа маусымы 2 қарашада ашылады
Алматыда 1 қарашада "Медеу" мұз айдыны техникалық режимде іске қосылады, оған барлық тілек білдірушілер сеанс кестесіне сәйкес бара алады. 2 қарашада "Медеу" биік таулы мұз айдынында жаппай сырғанаудың жаңа маусымының салтанатты ашылуы өтеді, деп хабарлайды Алматы қаласы әкімдігінің баспасөз қызметінен.
Салтанатты ашылу бағдарламасы сағат 12:00-ден 15:30-ға дейін жалғасады.
Келушілер үшін қазақстандық эстрада жұлдыздарының қатысуымен концерттік бағдарлама қарастырылған. Кешкі сағат 17.00-ден 20.00-ге дейін қонақтар конкурстарға қатысып, кешті жүргізуші мен диджейдің сыйлықтарын алады және дискотекаға қатысады.
Жаңа маусымда келушілерді күнделікті жаппай сырғанау сеанстары, мерекелік іс-шаралар және спорттық жарыстар күтеді. Ниет білдірушілер конькиді жалға алып, демалыс аймағын пайдалана алады. Қонақтарға ыңғайлы болу үшін мұз айдыны аумағында фастфуд пункттері ұйымдастырылады.
Алматы қаласы спорт ғимараттарының дирекциясы қала тұрғындары мен қонақтарына кассалардағы кезектерді болдырмау және турникет жүйесі арқылы жылдам өтуді ұйымдастыру, кептелістер мен тұрақ қиындықтарын болдырмау үшін билеттерді www.medeu.kz ресми сайт арқылы сатып алуды және қоғамдық көліктерді пайдалануды ұсынады.
Ашылу күні №12 автобус бағытын "Медеу" биік таулы мұз айдынына дейін ұлғайту жоспарлануда. Автобустар жұмыс күндері сағат 8:00-ден 00:00-ге дейін және демалыс күндері сағат 8:00-ден 01:00-ге дейін жүреді.
Көлік жүретін орындарды 2GIS қызметінен табуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.