20.09.2021, 19:03 133114

Қазақстан Үкіметі мен "Сбербанк России" арасында цифрландыру туралы меморандум жарияланды

Меморандумға сәйкес, Ресей тарапы Қазақстан Үкіметін цифрландырудың платформалық моделіне көшіруге міндеттенеді.

НҰР-СҰЛТАН. 20 ҚЫРКҮЙЕК - Қазақстан Үкіметі мен "Сбербанк России" жасасқан цифрландыру туралы меморандумның мәтіні жарияланды, деп хабарлайды KAZAKHSTAN TODAY ҚР Әділет министрлігінің "Қазақстан Республикасының Заңнама және құқықтық ақпарат институты" ШЖҚ РМК баспасөз қызметіне сілтеме жасап.

Құжатпен adilet.zan.kz сайтында танысуға болады.

Меморандумға сәйкес, Ресей тарапы Қазақстан Үкіметін цифрландырудың платформалық моделіне көшіруге міндеттенеді. Құжатта бағдарламалық қамтамасыз етудің қазақстандық әзірлеушісі - "BTS Digital" ЖШС анықталды. Бұл ERG тобының еншілес компаниясы.

2021 жылдың соңына дейін жобаны жүзеге асыру бойынша егжей-тегжейлі жоспарға қол қойылады. Ал 2022 жылдың бірінші тоқсанында GovTech цифрлық платформасын, сондай-ақ техникалық тапсырманы қоса алғанда, оның мақсатты архитектурасын енгізу үшін негізгі параметрлер әзірленетін болады. Бұл ҚР ІТ-жүйелері мен инфрақұрылымын зерттеу нәтижелерін консорциуммен бірлескен талдау негізінде жасалады.

Жобаның негізгі мақсаттары:

- адамға бағдарланған сервистерді іске асыру үшін цифрлық платформалық шешімдерді енгізу;

- деректерді талдау және жасанды интеллект бойынша практикаларды қолдана отырып, мемлекеттік басқарудың реинжинирингі және цифрлық трансформациялау;

- қолайлы және қауіпсіз цифрлық ортаны қалыптастыру, азаматтардың әл-ауқатын арттыру;

- экономикалық өсуге және инновациялық белсенділікті дамытуға жәрдемдесу.

Сондай-ақ, құжатта ақпараттық қауіпсіздік және деректерді қорғау мәселесі қозғалды.

СБЕР компаниялар тобы ақпараттық қауіпсіздікке және СБЕР компаниялар тобы ұсынған немесе әзірлеген бағдарламалық қамтылымда құжатталмаған функциялардың болмайтынына кепілдік береді; GovTech платформасының және ондағы деректердің ақпараттық қауіпсіздігін тікелей қамтамасыз ету Қазақстан Республикасының заңнамасында белгіленген құжатталмаған функциялардың болмауын және ақпараттық қауіпсіздік жөніндегі талаптардың сақталуын бақылау бөлігінде Қазақстан Республикасының "Мемлекеттік техникалық қызмет" акционерлік қоғамына (бұдан әрі – "МТҚ") жүктелетін болады, бұл ретте операциялық ақпараттық қауіпсіздікті қамтамасыз ету бойынша көрсетілетін қызметтер кешені Қазақстан Республикасының резиденті – лицензиясы бар мамандандырылған ұйымға берілуі мүмкін", - делінген меморандумда.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

тақырып бойынша жаңалықтар

13.12.2024, 19:04 14821

Тамара Дүйсенова Қызылорда облысындағы білім және спорт саласы қызметкерлерімен кездесті

Қызылорда облысына жұмыс сапары аясына ҚР Премьер-Министрінің орынбасары Тамара Дүйсенова өңірдің білім және спорт салаларының мамандарымен кездесті. Онда аталған бағыттар бойынша аймақты дамытудың өзекті мәселелері мен келешегі талқыланды, деп хабарлайды Үкіметтің баспасөз қызметінен.

Вице-премьер балабақша меңгерушілерімен мектепке дейінгі білім беру мәселелері жөнінде кездесу өткізді. Талқылаудың негізгі тақырыбы жүйедегі өзгерістер мен ваучерлік қаржыландыру тетігін енгізу мәселелері болды. Аталған механизм Қызылордада келер жылдың мамыр айында іске қосылады деп жоспарланып отыр. Аймақта бүгінде 49 880 балаға қызмет көрсететін 677 балабақша жұмыс істеп тұр.

Қаржы орталығы" АҚ басшысы Асқар Ибраимовтің мәлімдеуінше, ваучерлік қаржыландыру жүйесі Таразда сынақтан сәтті өтіп, Шымкент, Түркістан және Орал қалаларында пилоттық жоба ретінде жүзеге асырылып жатыр. Таразда аталған ваучерлер 1,5 жастағы балаларға берілсе, ал Шыментте балабақша кезегі толығымен жаңарған. Келесі жылы бұл жүйе еліміздің барлық өңірінде енгізілмек.

Вице-премьер балабақша мен бастауыш сыныптардағы білім беру бағдарламаларын біріздендірудің маңыздылығын атап өтіп, бұл үдерісте балалардың жеке даму карталары рөлінің ерекше екенінбаса айтты. Аталған жаңашылдықтар "Баршаға қолжетімді сапалы білім" ұлттық баяндамасында қамтылған.

Сонымен қатар білім беру басқармасы басшылары мен мектеп директорларының қатысуымен "Мақсатты мектептер" жобасын жүзеге асыру мәселесі бойынша кездесу өтті. Аталған жоба алғашқы кезеңде 71 білім ошағын қамтиды, оның 63-і ауылда орналасқан. Жоба аясында әдістемелік қолдау, педагогтердің біліктілігін арттыру және оқу үдерісін жақсарту көзделген. Қазіргі уақытта әр мектеп үшін жеке даму жоспары әзірленген.

Тірек мектептер әлеуетін дамыту жобасы да өңірде іске асып келеді. Мәселен, Арал ауданындағы №62 мектеп-лицей "Қазақстан халқына" қоғамдық қоры, Білім беруді тұрақты дамыту қоры мен Назарбаев зияткерлік мектептерінің көмегімен 250 млн теңгеге пәндік кабинеттерді жабдықтап, ұстаздары әдістемелік көмек алған. Білім ошағының директоры Жасұлан Айтжановтың сөзінше, қазірде 7 шағын жинақты мектептермен байланыс орнатылып, ұстаздар арасында тәжірибе алмасу процесі жолға қойылған. Айта кетейік, бүгінде аймақта 12 шағын жинақты білім ошағы бар.

Сондай-ақ вице-премьер техникалық және кәсіби білім беру ұйымдарының басшыларымен кездесу өткізді. Онда Президенттің Жұмысшы мамандықтары жылы туралы жариялағанын ескере отырып, ТжКБ жүйесін реформалауға қатысты мәселелер талқыланды. Тамара Дүйсенова колледждер өңір үшін кадр даярлаудың негізгі базасы болуға тиіс екеніне тоқталды.

Қазіргі таңда облыста 28 колледж бар, оларда 20 мыңнан астам студент білім алуда. Халықаралық оқыту стандандарттарын енгізіп жатқандары да бар. Мәселен, Қызылорда аграрлық-техникалық жоғары колледжі "энергетика" бағытында халықаралық National Center for Construction Education & Research (NCCER) аккредиттеуден өтпек.

Халықаралық стандарт енгізу колледжіміз үшін жаңа мүмкіндіктерді ашып отыр. Түлек қолындағы бұл сертификат әлемнің 70 елінде мойындалған. Демек оқу бітірген студенттің жұмысқа орналасуы жеңілдейді. Жалпы елдегі колледждер трансформациясы аясындағы жұмыстар техникалық және кәсіптік білім беру мекемелерінің қолдауына ие болып отыр", - дейді колледж директоры Абайбек Жүнісов.

Вице-премьер Мемлекет басшысы елдегі білім сапасын арттыруға қатысты нақты міндеттер қойғанын, оны жүзеге асыру бағытында бірқатар іс-шара атқарылып жатқанын баса айтты.

Балабақша табалдырығын аттаған бүлдіршін 20 жыл бойы білім беру жүйесінде тәрбиеленеді. Біздің мақсат азаматтар үшін тұлғалық қасиеттерді дамытатын көпдеңгейлі, бірізді жүйе құру. Бұл ретте балабақша, мектеп, колледж, университет ұстаздарына артылар жауапкершілік жоғары", - деп атап өтті Тамара Дүйсенова.

Вице-премьер Қызылордадағы жаңа үстел теннисі орталығында болып, өңірдегі спорт ұйымдарының басшыларымен кездесті. Кездесуде спорт саласындағы реформаларға, оның ішінде басқарудың вертикаль мәселелері, басым спорт түрлерін анықтау және өңірдің балалар мен жасөспірімдер спорт мектептеріне жан басына шаққандағы қаржыландыруды енгізуге басты назар аударылды. Енгізілгелі жатқан өзгерістер туралы туризм және спорт вице-министрі Серік Жараспаев баяндады.

Қазіргі уақытта ведомствода сала өкілдерімен консультациялар жүргізетін арнайы жұмыс тобы құрылған. Айтылған ұсыныстар мен ескертулер түпкілікті құжатты дайындау кезінде ескеріледі.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

03.12.2024, 16:45 27531

Шағын жинақталған мектептерде оқытудың жаңа моделі енгізіледі

Оқу-ағарту министрі Ғани Бейсембаев Үкімет отырысында ауыл мектептерін дамыту бойынша жүргізіліп жатқан жұмыстар туралы баяндады, деп хабарлайды Үкіметтің баспасөз қызметінен.

Оның айтуынша, министрлік Мемлекет басшысының тапсырмасын орындау мақсатында ауыл мектептерінің әлеуетін арттыру жұмыстарын жүйелі түрде жүзеге асыруда.

Министрлік мәліметінше, еліміздегі 8 мыңға жуық мектептің 67%-ы (5247) ауыл мектебі. Оның 51%-ы (2654) шағын жинақты мектеп. Ауыл мектебінің әрбір екіншісі шағын жинақты. Оқушылардың 40%-ы ауыл мектебінде білім алады.

Ауыл мен қала мектептері арасындағы білім сапасындағы алшақтықты PISA халықаралық зерттеулері айқындап отыр. Дегенмен PISA-2018 нәтижелерімен салыстырғанда, 2022 жылғы математика және жаратылыстану бойынша сауаттылық айырмашылығының көрсеткіші 4-5 баллға дейін қысқарды, ал оқу сауаттылығы өзгеріссіз қалуда", - деп мәлімдеді министр.

Ауыл мектептерінің әлеуетін дамыту мақсатында Оқу-ағарту министрлігі 2023 жылдан бастап "Ауыл мектебі - сапа алаңы" республикалық жобасын іске асыруда.

Жоба аясында өңірлерде тиімді жүзеге асырылып жатқан жұмыстар:

Алматы облысында 2023-2024 оқу жылында 50 мектепті қамтитын жаратылыстану-математикалық бағыт пәндері бойынша білім сапасын арттыру мақсатында "Білім-инновация" лицейлерінің тәжірибесіне негізделген жоба "Қазақстан халқына" қорының қаржылай қолдауымен жүзеге асырылды.

Маңғыстау облысы мектептерінің білім сапасын арттыру мақсатында биылғы оқу жылында өңірде 50 мектепті, оның ішінде 35 ауылдық мектепті қамтитын "Отпан" жобасы басталды.

Ақтөбе облысында 2023-2024 оқу жылында Оқу-ағарту министрлігінің қолдауымен, облыс әкімдігінің және "Қазақстан халқына" қоғамдық қорының қатысуымен "Цифрлық технологияларды пайдалана отырып, ауыл мектептерінің әлеуетін арттыру" жобасы жүзеге асырылды. Жобаға 12 тірек және 134 шағын жинақты мектеп, 11 мыңнан астам білім алушы мен 3,5 мыңға жуық педагог қатысты.

Оқу-ағарту министрлігінің Ы. Алтынсарин атындағы Ұлттық білім академиясы, "Өрлеу" біліктілікті арттыру ұлттық орталығы, А. Байтұрсынұлы атындағы "Талдау" ұлттық зерттеулер және білімді бағалау орталығымен қатар, "Назарбаев зияткерлік мектептері" дербес білім беру ұйымы және "Білімді тұрақты дамыту" қоры және басқа да ұйымдар жобаның табысты жүзеге асырылуын қамтамасыз етті.

Аталған жоба Ақтөбе облысы әкімдігінің толық қолдауымен биылда жалғасын тауып, қалған шағын жинақты мектептер қамтылуда.

Жоба аясында тірек мектептерінің материалдық - техникалық базасы толығымен жаңартылып, шағын жинақты мектептер пәндік және цифрлық кабинеттермен жабдықталды. Мектептер жылдамдығы жоғары Интернетпен қамтамасыз етілді. Жобаға қатысқан мектеп басшылары мен педагогтері цифрлық құзыреттілік пен кәсіби дамуға бағытталған арнайы курстардан өтті", - деді Ғани Бейсембаев.

Шағын жинақты мектептердің техникалық мүмкіндіктеріне қарай оқытудың 4 моделі әзірленіп, енгізілді. Жоба барысында сабақтарға қашықтан бақылау жасалып, білім алушылардың оқу жетістіктеріне мониторинг жүргізілді. Педагогтерге жүйелі әдістемелік қолдау көрсетілді.

Жоба аясында жүргізілген кешенді жұмыстар шағын жинақты мектептердегі білім сапасының артуына ықпал етті. Ол 6,8 және 10 сыныптардағы оқу үлгерімінің нәтижесімен расталды. Апробациядан өткен оқытудың 4 моделінің ішінде "Тірек мектебі - шағын жинақты мектеп" моделі тиімділігін көрсетті", - деп мәлімдеді министр.

Осыған орай, республикалық жобаны кеңейтуді келесі механизмдер арқылы жүзеге асыру ұсынылып отыр.

Біріншіден, әкімдік жергілікті бюджеттен тірек және шағын жинақты мектептердің материалдық-техникалық базасын жаңартуға, сапалы интернетпен қамтамасыз етуге, тірек мектептерінің педагогтерін ынталандыру үшін үстемеақы төлеуге қаражат бөлуді жоспарлауы қажет.

Екіншіден, білім басқармасы жобаны енгізуді, мониторинг пен талдауды, сапаны бақылауды қамтамасыз етеді.

Үшіншіден, әдістемелік орталық мұғалімдерді оқыту мен әдістемелік қолдауға, оқу процесін үйлестіруге толығымен жетекшілік етеді.

Төртіншіден, тірек мектебі қолда бар ресурстарын толықтай пайдалана отырып, шағын жинақты мектепте білім сапасын арттыру бойынша кешенді қолдау шараларын іске асырады.

Ал шағын жинақты мектептің басты міндеті - тірек мектебінің қолдауы мен ресурстарын тиімді пайдалану.

Оқу-ағарту министрлігі ұлттық үйлестіруші ретінде ауыл мектептерінің даму стратегиясын әзірледі.

Енді әкімдіктер стратегия негізінде жобаны кеңейту жұмыстарын кезең кезеңімен іске асыруды қамтамасыз етуі қажет. Биыл жобаға Ақмола, Қостанай, Павлодар, Батыс Қазақстан және Солтүстік Қазақстан облыстарындағы 10 тірек және 30 шағын жинақты мектеп тартылуда. 2025 жылдың қаңтарынан бастап жобаға 17 өңірдің 192 тірек және 759 шағын жинақты мектебі қатысады. Ал үшінші кезеңде осы жобаға қалған шағын жинақты мектептердің барлығы толығымен қамтылуы тиіс. Оқу-ағарту министрлігі жергілікті атқарушы органдардың ауыл мектептерінің әлеуетін арттыруға бағытталған жұмыстарын жүйелі үйлестіре отырып, тиімді жүзеге асырылуын үздіксіз қадағалайтын болады", - деп түйіндеді баяндамасын Ғани Бейсембаев.

02.12.2024, 16:37 30306

"Ауылдық жерлердегі тірек мектептердің әлеуетін дамыту" жобасы аясында НЗМ қолдауымен 135 өңірлік білім беру ұйымдары қамтылды

Премьер-министр Олжас Бектенов NU, НЗМ және "Назарбаев Қоры" Жоғары қамқоршылық кеңесінің отырысын өткізді. Атқарылған жұмыстар туралы есеп тыңдалып, одан әрі даму жоспарлары қаралды, деп хабарлайды Үкіметтің баспасөз қызметінен.

NU президенті Вакар Ахмад университет Орталық Азия аймағындағы жетекші жоғары білім беру, зерттеу және инновация мекемелерінің бірі екенін айтты. 2011 жылдан бастап 360-қа жуық ғылыми жоба, 9 мыңнан астам жарияланым, 500-ден астам стартап ұсынылды. Адами капиталды дамытуға қосқан үлесі жоғары жұмыспен қамтылуымен сипатталады - 2015 жылдан бастап түлектердің шамамен 95%-ы жақсы жұмысқа орналасады немесе оқуын жалғастырады. Отырыста ТМД елдері арасында үздік 2 және Times Higher World University Rankings үздік 300 рейтингіне кіру мақсатына қол жеткізу үшін NU білім беру сапасы мен тиімділігін арттыру бойынша тәсілдер айтылды.

Орта білім беруді дамыту мәселелері бойынша НЗМ басқарма төрағасы Әнуар Жанғозин сөз сөйледі. Бүгінгі таңда "Ауылдық жерлердегі тірек мектептердің әлеуетін дамыту" жобасы аясында НЗМ қолдауымен 135 өңірлік білім беру ұйымдары қамтылды, 583 маман даярланды, олар кейіннен ауыл мектептерінің директоры болды. Алдағы жылы ауылдарда тағы 200 тірек мектепті дамыту жоспарлануда.

Қамқоршылық кеңестің төрағасы мен мүшелері ағымдағы күн тәртібін ескере отырып, білім беру сапасын арттыру, әкімшілік және бюджеттік процестерді жетілдіру жөніндегі NU және НЗМ жоспарларына қатысты бірқатар мәселелерді айтты.

NU университеті жанындағы технопаркке барған кезде Премьер-министр Олжас Бектенов ЖОО зерттеушілері іске асыратын және ғылыми шешімдерді коммерцияландыруға бағытталған денсаулық сақтау және ЖИ, тау-кен металлургия салаларын дамыту салаларындағы озық ғылыми әзірлемелермен танысты.

Премьер-министрге бүгінгі таңда ауданы 3 мың шаршы метр технопарк аумағында 32 қазақстандық компания жұмыс істейтіні, тәжірибелік-эксперименттік цех, цифрлық прототиптеу зертханасы жұмыс істейтіні, арнайы экономикалық аймақ режимінің мүмкіндіктері берілетіні баяндалды. Ғылыми жобалардың басшылары индустриялық серіктестермен бірлесіп өз өнімдерін көрсетті және Премьер-министрдің әзірлемелерді коммерцияландыру және ілгерілету бойынша бұған дейін қойған міндеттеріне қол жеткізу әрекеттері туралы хабарлады.

Әрбір жоба технологиялардың дайындық деңгейіне сәйкес TRL шкаласы бойынша 0-ден 9-ға дейінгі баллмен бағаланады.

Бірқатар әзірлемелер барынша бағаланды: Codiplay білім беру IT-жобасы, тау-кен металлургия секторына арналған Smartview Innovation стартапы және IHT Central Asia медициналық бұйымдар жасау кәсіпорны.

Оқушылардың цифрлық дағдыларын дамытуға бағытталған Қазақстандық Codiplay стартап-жобасы қазіргі уақытта Ұлыбритания, Оңтүстік Корея, Сауд Арабиясы, Түркия, Әзербайжанды қоса алғанда, 10 елдегі 450-ден астам оқу орындарын қамтиды. Еліміздің мектептерінде технологияны енгізу бойынша жұмыс жүргізілуде. Жыл соңына дейін Түркістан облысының 10 білім беру ұйымы Codiplay экожүйесіне қосылып, кейіннен 2025 жылы тағы 60 мекемеге, оның ішінде Ақтөбе және Қарағанды облыстарында кеңейтілетін болады. Олжас Бектенов Оқу-ағарту министрлігіне жергілікті атқарушы органдармен бірлесіп мектептерде Codiplay әзірлемелерін белсенді енгізуді тапсырды, бұл оқушыларды прототиптер арқылы цифрлық инновацияларға тиімдірек оқытуға мүмкіндік береді. Жоба Ұлттық білім академиясының мақұлдауына ие болды. И. Алтынсарин, ал компанияның өнімі - CODITEACH UNICEF цифрлық қоғамдық игілік (Digital public Good) деп танылды, бұл халықаралық нарықтарға шығу үшін қосымша мүмкіндіктер туғызады.

Smartview Innovation" ЖШС стартапы пайдалы қазбаларды өндіру тиімділігін арттыруға бағытталған. Жаңа технология жұмыс күшін 90%-ға дейін үнемдеуге мүмкіндік береді, қызметкерлердің қауіпсіздік шараларын 80%-ға, аппаратшылардың жұмыс тиімділігін 50%-ға арттырады. Премьер-министрге қазіргі уақытта пилоттық жоба Түркістан облысында Central Asia Mining Co-мен бірге жүзеге асырылып жатқаны, қосымша серіктес іздестірілуде екені айтылды. Стартапты Ресей, Канада, Австралия және АҚШ сияқты халықаралық нарықтарға кеңейту жоспарланып отыр.

IHT Central Asia жобасы медициналық бұйымдарды әзірлеуге және өндіруге маманданған. Қазақстандық-испандық кәсіпорын биыл 4 мыңнан астам өнім түрін шығарды, олардың ішінде миокард инфарктісі мен жүректің ишемиялық ауруын емдеу кезінде көмектесетін коронарлық стенттер мен катетерлер бар. Компания технопаркпен бірлескен зерттеулер мен әзірлемелер орталығын ашу, отандық тігін материалын өндіру бойынша фабриканы іске қосу және "СК-Фармациямен" ынтымақтастықты кеңейтуді жоспарлап отыр. Қазіргі уақытта кәсіпорын өз өнімдерін Қырғызстанға экспорттайды және 7 елге шығуды жоспарлап отыр. Премьер-министр Денсаулық сақтау министрлігіне отандық өндірушілерге жәрдемдесу үшін "СК-Фармация" және Дәрілік заттарды сараптаудың ұлттық орталығымен жұмыс жүргізуді тапсырды. Өз кезегінде Өнеркәсіп министрлігінің алдына отандық тауар өндірушілерді экспорттық қолдау шараларымен қамтуды кеңейту міндеті қойылды.

Премьер-министрге тірек-қимыл аппараты бұзылған адамдарды оңалту үшін экзоқаңқалар өндірісін іске қосу, клиникаға дейінгі кезеңде донорлық органды ұзақ мерзімді тасымалдау жүйесін, қатерлі ісікке қарсы жаңа препаратты әзірлеу бойынша жобалар таныстырылды. Әзірлемелер клиникалық сынақтың әртүрлі кезеңдерінде.

Трансплантология саласындағы жоба бойынша Олжас Бектенов ел тұрғындары арасында өсіп келе жатқан қажеттілікті ескере отырып, қазіргі заманғы медицинаның барлық талаптарына сай болған жағдайда сертификат алу рәсімін жеделдетуді тапсырды. University Medical Center корпоративтік қорының басқарма төрағасы, кардиохирург Юрий Пя әзірлеудің бірегейлігі оқшауланған органды 24 сағаттан астам уақыт бойы сақтап қана қоймай, оның жай-күйін емдеуді, бақылауды жүзеге асыру мүмкіндігінде, атап айтқанда дәрігерлерге ультрадыбыстық, тамырішілік зерттеулер сияқты рәсімдер қолжетімді болатынына тоқталды.

Су ресурстарын басқаруда жасанды интеллектіні пайдалану, металдарды терең өңдеу саласындағы бірқатар жобалар бойынша бүгінгі таңда индустриялық серіктестерді анықтау үшін келіссөз жүргізілуде, өндірістерді дамыту бойынша егжей-тегжейлі жоспарлар әзірленуде.

Сонымен қатар Премьер-министрге ақпараттық технологиялар, медицина, робототехника, жасанды интеллект, энергетика, білім беру салаларындағы коммерциялық әлеуеті бар 10 жаңа әзірлеме таныстырылды.

Олжас Бектенов Үкіметтің экономиканы дамытуға және халықтың тұрмыс сапасын жақсартуға бағытталған озық жобаларды қолдайтынын атап өтті. ЖОО басшылығы мен мүдделі мемлекеттік органдар басшыларының алдына ғылым мен өндірісті интеграциялау, өткізу мен экспортқа бағыттау бойынша міндеттер қойылды.

Мемлекет басшысы халыққа Жолдауында университеттердің экономиканың нақты секторымен байланысын күшейту қажеттігін атап өтті. Біз танысқан ғылыми әзірлемелердің табысты бизнес-жобаларға айналу перспективалары зор. Біз үшін инновациялық саясатты еліміздің ғылыми-технологиялық басымдықтарымен үндестіру маңызды. Біз ғылыми-зерттеу жобаларын ынталандыру үшін қолайлы жағдай жасап қана қоймай, олардың коммерциялануына ықпал етуіміз керек. Бұл Қазақстанның халықаралық аренадағы ұстанымын нығайтуға және жоғары технологиялық салалардың дамуына серпін береді", - деп атап өтті Олжас Бектенов.

28.11.2024, 12:24 34251

Қазақстан мен Ресей президенттері ҚазҰУ-дің Омбыдағы филиалын ресми түрде ашты

Қазақстан мен Ресей президенттері ҚазҰУ-дің Омбыдағы филиалын ресми түрде ашты, деп хабарлайды Ақорданың баспасөз қызметінен.

Қасым-Жомарт Тоқаев пен Владимир Путин Ф.М.Достоевский атындағы Омбы мемлекеттік университетінің базасында әл-Фараби атындағы Қазақ ұлттық университеті филиалын ресми түрде ашу рәсіміне бейнебайланыс арқылы қатысты.

Салтанатты іс-шараға Қазақстанның Ғылым және жоғары білім министрі Саясат Нұрбек пен Ресейдің Жоғары білім және ғылым министрінің орынбасары Константин Могилевский қатысып, екі ел арасындағы ғылым және жоғары білім саласындағы ынтымақтастық жөнінде баяндама жасады.

Мұнан соң мемлекеттер басшылары университет филиалын ашуға рұқсат берді.

Сондай-ақ жиынға ҚазҰУ басқарма төрағасы - ректоры Жансейіт Түймебаев пен ОмМУ ректоры Сергей Замятин қатысты.

Ресейде тұңғыш рет ашылған қазақстандық жоғары оқу орнының филиалына талапкерлерді қабылдау 2025 жылдың қыркүйек айына жоспарланған. Қазақстан мен Ресей үкіметтері студенттерді оқыту үшін арнайы 200 грант бөлді.

ҚазҰУ-дің Омбыдағы филиалы "Халықаралық құқық", "Қазақ филологиясы" және "Кеден ісі" сияқты білім беру бағдарламалары бойынша бакалаврлар мен магистрларды даярлайды. Болашақта қос дипломды білім беру бағдарламасы жүзеге асырылмақ.

Филиалдағы оқу үдерісін ұлттық университеттің оқытушы-профессор құрамы қазақ, орыс, ағылшын тілдерінде жүргізеді. Алдағы уақытта шетелдік ғалымдарды тарту көзделіп отыр.

Қазіргі уақытта филиалда оқу-әдістемелік қызметке арналған 10 кабинет жасақталған. Атап айтқанда, студенттер Шоқан Уәлиханов атындағы кеден ісі, Абай атындағы қазақ тілі және Нәзір Төреқұлов атындағы халықаралық құқық кабинеттерінде дәріс тыңдайды. Бұдан бөлек, басшылық пен профессор-оқытушылар құрамы үшін 5 кабинет, 7 оқу аудиториясы және коворкинг орталығы қарастырылған.

22.11.2024, 11:58 44276

"Еуразия" кинофестивалінде "Алдар көсе" фильмінің реставрацияланған нұсқасы көрсетіледі

24-30 қарашасы аралығында Алматы XVII Халықаралық "Еуразия" кинофестивалінің орталығына айналады. Биылғы фестиваль қазақстандық киноның айтулы мерейтойларымен ерекшеленеді. Қазақ киносының жарық жұлдызы Шәкен Аймановтың 110 жылдық мерейтойы, сондай-ақ "Қазақфильм" ұлттық киностудиясының 90 жылдығы және киностудияға Айманов есімінің берілгеніне 40 жыл толды, деп хабарлайды ҚР Мәдениет және ақпарат министрлігінің баспасөз қызметінен.

Бұл жыл біз үшін ерекше маңызға ие. "Еуразия" кинофестивалі ұзақ үзілістен кейін қайта жанданып, жаңа белеске қадам басып отыр. Сонымен қатар, біз биыл Шәкен Аймановтың мәдени мұрасын дәріптеп, қазақ киносының байлығын әлемге танытуды көздейміз. Оның фильмдері көптеген буындарға шабыт берді. "Қазақфильм" киностудиясының қайта жаңғыруы да осыны айқындай түседі", - деді Шәкен Айманов атындағы "Қазақфильм" киностудиясы президентінің міндетін атқарушы, фестиваль директоры Айдар Омаров.

Фестивальдің ең басты шаралараның бірі - Шәкен Аймановтың 1964 жылы түсірілген "Алдар көсе" фильмінің реставрацияланған нұсқасы көрсетіледі. Бұл туынды ұлттық мәдениетке деген құрметтің ерекше белгісі ретінде ұсынылады. Фестивальдің бағдарламалық директоры Диана Әшімова картинаның реставрацияланған нұсқасын көрермен назарына ұсыну арқылы қазақ кинематографиясының байлығын жаңа сапада көрсетуді мақсат еткенін жеткізді.

Дәстүрлі фестивальдің негізін қалаушы және ұйымдастырушы - ҚР Мәдениет және ақпарат министрлігі. Айта кетейік, іс-шараның басты серіктесі Bazis-A халықаралық құрылыс компаниясы. Сондай-ақ, KAZ Minerals кен өндіру компаниясы, Eurasian Resources Group (ERG), Sarens Kazakhstan, Salem Entertainment, Kinopark Theatres кинотеатрлар желісі және Astana Motors демеушілік етті.

Фестиваль бағдарламсында халықаралық байқау, Орталық Азия мен түркі әлемі елдерінің фильмдер байқауы өтеді. Сонымен қатар іскерлік алаңдардың жұмысы да қыза түспек.

Фестиваль тек байқаулық көрсетілімдермен шектелмейді. Байқаудан тыс бағдарламалар, шеберлік сабақтары, премьералар және киноиндустрия мамандары үшін ерекше тәжірибе мен білім алмасу мүмкіндігін беретін іскерлік алаңдар ұйымдастырылады. Барлық іс-шаралар Алматының заманауи кинотеатрларының бірі - Kinopark 11 IMAX Esentai-де өтеді, ал іскерлік кездесулер Темірбек Жүргенов атындағы Қазақ ұлттық өнер академиясында өткізіледі", - деп атап өтті кинофестивальдің іскерлік алаңының жетекшісі Кәрім Қадырбаев.

Фестивальдің негізгі мақсаты - мәдени байланысты дамыту, қазақ киносының жаңа есімдерін ашу және ұлттық мұраны дәріптеу болып табылады. Бұл орайда ақпараттық серіктестер өз үлесін қосуда Олардың қатарында "Хабар" АҚ, Qazaqstan телеарнасы, "НТК" телеарнасы, "Европа плюс Казахстан", "Эльдорадио", Qazaq Gazetteri, Egemen Qazaqstan, "Казахстанская правда", "Антенна Казахстан", "Новое поколение", ORDA, "ҚазАқпарат" ХАА, ArbatMedia, El.kz, Baq.kz.

20.11.2024, 14:21 49796

Елімізде ірі кәсіпорындар 11 ғылыми-техникалық жобаны қаржыландырады

Қазақстан Премьер-министрі Олжас Бектенов жетекші ғылыми-зерттеу институттары, жоғары оқу орындары, ірі өнеркәсіптік өндірістер мен салалық министрліктер басшылығының қатысуымен жаңартылған құрамда Жоғары ғылыми-техникалық комиссияның отырысын өткізді, деп хабарлайды Үкіметтің баспасөз қызметінен.

Премьер-министрге Президенттің Жолдауында қойылған міндеттерді жүзеге асыру аясында ғалымдар мен бизнестің өзара әрекеттестігіне басымдық бере отырып Комиссия жұмысын қайта форматтау бойынша қабылданған шаралар туралы баяндалды.

Комиссия отандық ғылымды экономиканың нақты секторымен интеграциялауға бағытталған бұрын берілген тапсырмаларды ескере отырып, 2025-2027 жылдарға арналған ғылыми-техникалық жұмыс жоспарын ұсынды. Комиссияның қарауына ғылыми-техникалық тапсырмалар бойынша 653 ұсыныс келіп түсті, оның ішінде экономика үшін басым бағыттар бойынша 2025-2027 жылдарға арналған 113 ғылыми-техникалық тапсырманы жүргізуге қаражат бөлу мақұлданды. Олардың ішінде экология, қоршаған орта және табиғатты ұтымды пайдалану; энергия, озық материалдар және көлік; озық өндіріс, цифрлық және ғарыштық технологиялар; биологиялық қауіпсіздік және басқа да салалар қамтылған.

Сонымен қатар Мемлекет басшысының Ауыл шаруашылығы еңбеккерлерінің бірінші форумында қойған мақсаттарға қол жеткізу аясында агроөнеркәсіп кешенін тұрақты дамыту бойынша ғылыми-техникалық жұмыстар мақұлданды. Атап айтқанда, сүт саласының өнімділігін арттыру, егіншілік пен өсімдік шаруашылығы әдістерін жетілдіру, сондай-ақ экологиялық таза өндірістерді дамыту; негізгі ауыл шаруашылығы дақылдарының шаруашылық құнды белгілері мен биологиялық ерекшеліктерінің қалыптасуының молекулалық-генетикалық заңдылықтарын зерделеу бойынша; бау-бақша шаруашылығын тұрақты дамыту тәсілдері; ветеринариялық салауаттылықты қамтамасыз ету және басқа да жұмыстар.

Аталған жобаларды қолдау биыл қабылданған "Ғылым және технологиялық саясат туралы" Заң нормаларына сәйкес гранттар, бағдарламалық-нысаналы қаржыландыру және жеке инвесторлар тарту арқылы жүзеге асырылады.

Отырыс барысында "Қазақмыс" корпорациясы, ERG, "Қазатомөнеркәсіп" ҰАК, KAZ Minerals компанияларының бірлескен жұмысының нәтижелері ұсынылды.

Бүгінгі таңда тау-кен металлургия саласының алпауыт кәсіпорындарымен ірі 6 хакатон өткізілді. 30-ға жуық ғылыми-зерттеу институты мен жоғары оқу орындарынан 200-дей ғалым қатысты. Нәтижесінде, шамамен 80 ғылыми-техникалық тапсырма тұжырымдалды. Комиссия отырысына нақты 11 жобаны шығарамыз. Осылайша, биыл жалпы ғылыми-техникалық тапсырмалардың 10%-ы ірі кәсіпорындармен нақты жұмыс нәтижесіне негізделген. Президент жанындағы жаңартылған Ұлттық Ғылым академиясының жұмысқа қосылуы өте маңызды. Ғылыми-техникалық тапсырманы талдау мен сараптауды Ғылым академиясы да жүргізеді. Бұл тапсырмалардың барлығы да өте қатаң іріктеуден өтті", - деп мәлімдеді Саясат Нұрбек.

Сол сияқты "Самұрық-Қазына" АҚ портфельдік компанияларымен жұмыстар жүргізілуде.

Қазақмыс" 4 жобаны: кеніш суларын өндірісте, ауыл шаруашылығында пайдалану мақсатында тазарту; металлургия қождарын өңдеудің инновациялық және экологиялық қауіпсіз әдістерін әзірлеу; мыс кендерінен бос алтын мен құрамында алтын бар минералдар өндіруді арттыру; ЖИ технологияларын пайдалана отырып, кенді байыту үдерісін автоматтандыру және оңтайландыру жобаларын қаржыландырады.

Қазатомөнеркәсіп" ҰАК" АҚ бірлесіп іске асыру үшін: уранды алу және жерасты ұңғымаларын шаймалау тиімділігін арттырудың экологиялық тұрақты әдістерін әзірлеу бойынша 2 жоба іріктелді.

ERG 5 ғылыми-техникалық міндеттерді іске асыруды қаржыландыруға дайын, олардың ішінде скандийді және терең жатқан боксит кендерінен басқа да құнды компоненттерді тиімді алу үшін технологиялар кешенін әзірлеу және сынау; қазбаларды өңдеудің инновациялық және экологиялық қауіпсіз әдістері; өндіру кезеңінде бокситтердің ылғалдылығын төмендетудің ыңғайлы әрі экономикалық тиімді технологияларын әзірлеу; боксит кендерінің артық ылғалдылығы проблемаларын шешу үшін ылғал сақтайтын материалдарды әзірлеу кендер және оларды жоғары ылғалдылық жағдайында тасымалдау.

Премьер-министр аталған жобалардың еліміздің өнеркәсіптік әлеуетін күшейту үшін маңызын атап өтіп, ЖҒТК жұмысының бірқатар басым бағыттарына тоқталды.

Мемлекет басшысы қолданбалы ғылымды дамытудың және жоғары оқу орындарының экономиканың нақты секторымен тығыз жұмыс істеуінің маңыздылығын бірнеше рет атап көрсетті. Біз практикалық мәселелерді шешіп, салалардың өнімділігін және экономиканың тиімділігін арттыратын нақты шешімдерді ұсынуымыз керек. Бұл жұмыс істеуіміз қажет негізгі бағыттар. Ірі кәсіпорындардың негізгі жобаларына байланыстыра отырып, шағын және орта бизнестің ғылыми-инновациялық қызметін қолдау қажет. Бірқатар ірі кәсіпорындар осындай ынтымақтастық түріне қызығушылық танытып, Ғылым министрлігімен бірлесе отырып, ғылыми-техникалық тапсырмаларды әзірлеу бойынша сапалы жұмыс жүргізді. Біз ғылыми зерттеулерді қолданудың практикалық нәтижелерін көруіміз керек", - деп атап өтті Олжас Бектенов.

Орталық-өңір-кәсіпорын" жүйесінде ғылыми-технологиялық саясатты реттеу тетіктерін әзірлеу, өңірлерді дамыту жоспарларында ғылым бойынша тиісті индикаторды көздеу тапсырылды. Бұл өңірлердің экономикасын дамытуға жаңа серпін береді. Үкімет басшысы бизнес өкілдерінің шетелдік институттарды тарта отырып іске асырылып жатқан жобалар аясында қазақстандық ғалымдармен өзара іс-қимылды кеңейтуге назар аударды. Тәжірибе алмасу отандық ғылым саласын одан әрі дамыту үшін маңызды.

Тиісті министрліктерге ірі бизнеспен бірлесіп салалық ғылыми-технологиялық кеңестерде қолданбалы ғылымды дамыту үшін технологиялық міндеттерді айқындау тапсырылды. Ұлттық экономика, қаржы, ғылым министрліктері мен Стратегиялық жоспарлау агенттігі - ғылыми мазмұны бар өнім шығарудың өңірлік көрсеткіштерінің индикаторларын әзірлеуі қажет. Ғылым министрлігі "Атамекен" ҰКП-мен бірлесіп - ғылым мен бизнестің өзара іс-қимылының жаңа тетіктерін енгізу жөніндегі жұмысты күшейтуі тиіс.

Ең көп оқылғаны