ШҚО әкімдігі Алакөлдің құрғауы туралы ақпаратқа түсініктеме берді
Туризмді дамытудың 2025 жылға дейінгі мемлекеттік бағдарламасы аясында Алакөл жағалауын дамыту жоспары бекітілген. Оған сәйкес, құрылыстың жаңа аймағын қалыптастыру үшін 60 га жер учаскесін игеру жоспарланып отыр. Оның 23,7 га құрайтын сазды батпақты аумағында құрғату жұмыстары жүргізіледі. Ерекше атап кету керек, жобадағы құрғатуға жататын жер учаскесі мен Алакөл көлінің өзіне дейінгі ара қашықтық 200 метрден асады. Осы ретте көлдің 60 гектарын құрғатады деген ақпарат шындыққа жанаспайды. Ал Дәулет Асанов Facebook әлеуметтік желісінде мұндай мәлімет жариялауына ҚР Су ресурстары Комитетінен алған қате жауап себеп болған", - деп хабарлады облыс әкімдігінің баспасөз қызметі.
Облыстық әкімдікте жауапты органдармен кездесіп, аталған жобаны талқылаған эколог Дәулет Асанов та бұған көз жеткізді.
Жобаның бастапқыда ойлағанымнан мүлдем өзгеше екеніне көз жеткіздім. Яғни, оның суға еш қатысы жоқ. Біз жоба материалын қарадық, жобалық шешімдерді көрдік. Бұл ретте Су ресурстары жөніндегі комитет тарапынан, айталық, шындыққа онша жақын емес ақпарат бергені белгілі болды. Бұл жерде көлдің өзін емес, жағалау бөлігін құрғату мәселесі қаралып отыр. Әкімдік маған бүкіл жобаны зерттеуге беруге уәде берді, мен оған ризамын. Бүгін біз бұл учаскенің су қорғау белдеуінен тыс жерде орналасқанын көрдік. Белгілерді қарадық, көлге қатысты учаскені 4 метрге көтеру жоспарланып отырғанын естідік, бұл деген, Комитет тарапынан ұсынылған жобадан мүлдем бөлек", - дейді Дәулет Асанов.
"ШҚО Үржар ауданы Алакөл көлінің жағалауына су бұру каналының құрылысымен жерді құрғату" жобалық-сметалық құжаттамасы мемлекеттік сараптамадан өткен және мемлекеттік сараптаманың 28.09.2020 ж. №06-0238/20 оң қорытындысы да бар. Ал қоғамдық тыңдаулар 2019 жылдың 27 қыркүйегінде Қабанбай ауылында өткізілген. Яғни, ҚР Су кодексінің 125-бабының талаптары бұзылмаған.
Жоспарлы материалдарға сәйкес, жобаланып отырған құрғату учаскесі облыс әкімінің 2019 жылғы 27 желтоқсандағы қаулысымен белгіленген № 466 (су қорғау аймағы - 500 м.және жолақ - 100 м.) су қорғау аймағы шегінде және одан тыс жерде орналасқан. Демек, ҚР Су кодексінің 125-бабы бұзылмаған. Алакөл көлінің өзін құрғату мүмкін емес, бұл ақпарат шындыққа жанаспайды", - дейді ШҚО Табиғи ресурстар және табиғат пайдалануды реттеу басқармасының басшысы Мұрат Құсайынов.
Жоба шеңберінде қоршаған ортаға зиян келтірмей су объектілерінің табиғи жай-күйін сақтауға мүмкіндік беретін су қорғау іс-шаралары көзделеді. Учаскенің сазды батпақтығы бірқатар факторларға байланысты, олардың негізгілері: осы учаскенің өте төмен дренаждылығы, өйткені бұл жердегі топырақтың сүзу коэффициенті өте төмен, нәтижесінде су топырақтың төменгі қабаттарына нашар сүзіліп, жер бетінде тұрып қалып, батпақтануды тудырады.
Алакөл көлін ешкім құрғатпайды. Алакөлдің жағалауында туризмді дамыту жоспарына сәйкес, белгіленген учаскеде көптеген бұлақтар бар. Олардың нақты бағыты жоқ. Салдарында аумағы 23,7 га құрайтын жер учаскесі саз бен батпақтан тұрады. Мұны жергілікті тұрғындар да, жақын маңдағы демалыс орталықтары да жақсы біледі. Бұл аймақта туризм дами алмайды. Ол жерге олар демалыс базаларын, тіпті қарапайым ойын алаңдарын да сала алмай отыр. Осыған байланысты, 2019 жылы Үржар ауданының әкімдігі жоба әзірлеп, ол мемлекеттік сараптамадан өткізіп, оң қорытындысын алды. Тиісті қоғамдық тыңдаулар да өтті", - деді облыстық құрылыс басқармасының басшысы Әсет Сүлейменов.
Жалпы, жобаны іске асырудың 3 кезеңі көзделген. Бірінші, батпақты аймақ тегістеу және тегістеу кезінде 351,50 метр белгісіне дейінгі батпақты жер саздақ және қиыршық тасты шөгінділерділермен жабылады. Екінші кезеңде 351,70 метр белгісіне дейін қиыршықтас-құм шөгінділерінің дренаждық қабаты құйылады. Үшінші кезеңде құрғату учаскесі жобалық 352,30 метрдегі белгіге дейін сазды топырақпен толтырылып, түпкілікті тегістеу жүргізіледі.
Өңделетін топырақтың жалпы көлемі 578 123 м3 құрайды. Топырақты автокөлікпен тасымалдау уақытша жолдар арқылы көзделген, олардың құрылысы мен күтімі жобада қарастырылған. Құрғатылған учаскеге іргелес аумақтан жер үсті суларын бұру үшін демалыс аймағын дамыту үшін бөлінген аумақтың қызыл сызықтары шегінде жобаланған канал қарастырылған", - деп қорытындылады әкімдікте.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыда жаңа жылдық шыршалар жәрмеңкесі ұйымдастырылды
Жаңа жыл жақындаған сайын Алматыдағы Панфилов көшесі қылқан жапырақтың иісі мен мерекелік көңіл-күйге толы нағыз қысқы базарға айналды. Жәрмеңке әркім үйіне жаңа жылдық шырша таңдай алатын алматылықтардың сүйікті орнына айналды, деп хабарлайды Алматы қаласы әкімдігінің баспасөз қызметінен.
Жәрмеңкеде сатып алушыларға биік шыршадан бастап шағын ыдыстағы ағаштарға дейін түрлі тауар ұсынылған.
Мен жыл сайын базардан шырша сатып аламын, бірақ биыл дәл осы жерден сатып алуды шештім, өйткені бағасы бірдей. Балалармен келіп шырша таңдап жатырмыз, пірәндіктерден дәм татып, жарқыраған қондырғылардың жанында суретке түстік. Мұндағы атмосфера керемет, шаршағаныңды ұмытасың, суық та сезілмейді. Жаңа жылдың жақындап қалғаны анық сезіледі", - деді Ерлан Қасымов.
Жәрмеңкеде классикалық қылқан жапырақ ағаштарымен қатар қармен көмкерілгендей сәнделген дизайнерлік шыршаларды да сатып алуға болады. Мұндағы ассортименттің молдығын қала тұрғындары ерекше атап өтуде.
Біз құрбымызбен жай ғана көріп қайтуға келген едік, бірақ қызығып, шырша, ойыншықтар мен гирляндалар сатып алдық. Енді бірге жиналып, шыршаны безендіріп, какао ішеміз. Мұнда сондай әдемі, жылы әрі жайлы, кеткің келмейді. Бұл жәрмеңке қаланың ең керемет орындарының біріне айналғанына сенімдімін", - деді студент Алина Әбілдаева.
Жәрмеңкенің безендірілуі ерекше әсер қалдырады: гирляндалар, жарқыраған шамдар, фотоаймақтар - мұның бәрі ғажайып мерекелік көңіл-күй сыйлайды. Әсіресе, қар басқан шаналар, жарқыраған аққалалар мен бұғының мүсіндері балаларды қуантады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда 80 шыршаның шамы жағылды: қалада мерекелік шаралар бастау алды
Алматыда бір мезетте 80 жаңа жылдық шыршаның шамы жағылып, бұл мерекелік маусымның символдық басталуын көрсетті, деп хабарлайды Алматы қаласы әкімдігінің баспасөз қызметінен.
Абай алаңында Алматының басты жаңа жылдық шыршаның шамын жағу рәсімі өтті. Оның биіктігі 25 метр. Биыл мегаполис шыршасы алғаш рет классикалық стильде жасалып, қаңқалы емес, табиғи діңді болды. Шыршаны безендіру үшін алты метр гирлянда, түрлі-түсті шарлар мен жаңа жылдық ойыншықтар қолданылған.
Рәсімге ауа райы ертегідей ерекше атмосфера сыйлады: жаңа жылдық арудың айналасын сиқырлы қар қоршап тұрды, ал мамықтай аппақ қар ұлпалары мегаполистің басты шыршасын безендіріп тұрды.
8 мыңнан астам алматылық пен мегаполис қонақтары қазақстандық эстрада жұлдыздарының қатысуымен өткен керемет шоуды тамашалады.
Мен жас орындаушыларды қолдап, құттықтау үшін келдім. Шырша өте әдемі, бәрі тамаша ұйымдастырылған. Концерт те керемет өтті, ал қарлы ауа райы нағыз жаңажылдық көңіл-күй сыйлады", - деді мегаполис тұрғыны Сергей Дмитриевич.
Концерттік бағдарламаны "BS band" үрмелі оркестрі ашып, жаңажылдық әуендерден попурри орындады. Роза Рымбаеваның сахнаға шығуы ерекше мерекелік көңіл-күй сыйлады. Халық әртісі "Снег идет" және "Жұлдызды жаңа жыл" әндерін орындап, кешті жылулық пен жағымды эмоцияға толтырды.
Бүгін алматылықтар мен қала қонақтарына жаңажылдық көңіл-күйді Назым Әбілдина, Мәди Рымбаев, Динара және Балжан Бидаш сыйлады. Әсіресе жастар "ALPHA" тобы, Dakelot, "ASTRA" тобы, Малика YES және Adil өнерін асыға күтті.
Мен Жаңа жылды қатты жақсы көремін. Мұндай шаралар бақыт сыйлайды. Мұндай керемет мерекені ұйымдастырған әкімдікке алғысым шексіз. Жауған қар да ерекше атмосфера сыйлап, бәрі өте ертегідей болды", - деді Алматы тұрғыны.
Turar-дың "Жаңа жыл" әнімен қаладағы алғашқы жаңажылдық концерт аяқталып, көрермендерге мереке алдындағы керемет көңіл-күй сыйлады.
Ертегідегідей атмосфераны күймедегі Күлбике, Зімбір адам, бұғылар және басқа да кейіпкерлер бейнеленген көркем безендіру элементтері, жарқыраған фотоаймақтар мен жарық инсталляциялары толықтырды.
Айта кетейік, қаладағы барлық ауданда шырша жағу рәсімдері концерттер мен әртүрлі шаралармен бірге ұйымдастырылып, тұрғындар мен қонақтарға мерекелік көңіл-күй сыйлады.
Сондай-ақ бүгін Абай алаңында басты жаңа жылдық жәрмеңке ашылды. Ол 2025 жылдың 5 қаңтарына дейін жұмыс істеп, тұрғындар мен қонақтарға кәдесыйлар, қолөнер шеберлерінің бұйымдары мен мерекелік әшекейлер ұсынады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылғы 1 желтоқсанда 411 мыңнан астам адамға атаулы әлеуметтік көмек көрсетілді
2024 жылғы 1 желтоқсанда 77,6 мың отбасындағы 411,3 мың адамға атаулы әлеуметтік көмек (бұдан әрі - АӘК) тағайындалды. Биыл осы мақсатқа бюджеттен 54,7 млрд теңге қарастырылған, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
Бұрын хабарланғандай, АӘК-нің негізгі мақсаты - ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.
АӘК мыналарды көздейді:
- табысы өңірлік ең төмен күнкөріс деңгейінің 70% - нан аспайтын азаматтарға тоқсан сайын әлеуметтік көмек тағайындау;
- табысы аз отбасылардағы 1 жас пен 6 жас аралығындағы әр балаға 1,5 АЕК (5 538 теңге) мөлшерінде ай сайынғы қосымша төлем беру. 2024 жылғы 1 желтоқсанға АӘК алушылар қатарынан мектеп жасына дейінгі 128,8 мың балаға 5,0 млрд. теңге сомасына қосымша төлем тағайындалды;
- жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.
Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.