Қазақстан ауылдарында сәбилер өлімі өсті - Денсаулық сақтау министрлігі
Денсаулық сақтау министрлігінің басшысы ауылдағы балалар өлімі қаламен салыстырғанда 38,7%-ға төмен екенін атап өтті.
Сурет: pixabay.com
Астана. 10 қазан. KAZAKHSTAN TODAY - Қазақстан ауылдарында сәбилер өлімі өсті. Бұл туралы мәжілістегі үкіметтік сағат кезінде Қазақстанның денсаулық сақтау министрі Ажар Ғиният мәлімдеді.
Денсаулық сақтау министрлігі талдау жүргізіп, ауыл тұрғындарының өмір сүру ұзақтығы қалалықтарға қарағанда жоғары екенін анықтаған.
2021 жылдың қорытындысы бойынша Қазақстанда орташа өмір сүру ұзақтығы – 70,23 жыл, қалаларда – 69,91 жыл, ауылдарда – 70,79 жыл. Алайда биылғы жылы ауылдық жерлерде сәбилер өлімі өткен жылмен салыстырғанда 30,6%-ға артты", - деді министр.
Денсаулық сақтау министрлігінің басшысы ауылдағы балалар өлімі қаламен салыстырғанда 38,7%-ға төмен екенін атап өтті. Ажар Ғиният нәресте өлімі әйелдердің денсаулығына тікелей байланысты екенін түсіндірді.
Оның айтуынша, әйелдердің денсаулығын сақтау және балалардың денсаулығын нығайту үшін жүкті әйелдердің жеке және пәнаралық босанғанға дейінгі бақылаулармен қамтылуы ұлғайды, бұл көрсеткіш 82%-ды құрады. Жүктілікті ерте анықтау коэффициенті 11%-ға артып, 40%-ға жетті. Бұл жүктіліктің ықтимал асқынуларын уақытылы анықтауға және болжауға мүмкіндік береді.
Естеріңізге сала кетейік, ана өлімінің ең жоғары көрсеткіштері Павлодар, Қарағанды, Қызылорда және Батыс Қазақстан облыстарында байқалады.
Ақпарат көзі: stan.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Метро станцияларында жолаушылардың қауіпсіздігін қамтамасыз ету мақсатында қоршаулар орнату жұмыстары басталды
Метро станцияларында жолаушылардың қауіпсіздігін қамтамасыз ету мақсатында қоршаулар орнату жұмыстары басталды. Бұл туралы Алматы метрополитенінің Instagram парақшасында айтылған.
Жұмыс регламентіне сәйкес, алдымен берік металдан жасалған тіректер орнатылады, кейіннен оларға мықты шыныдан жасалған бөлгіштер бекітіледі.
Жұмыстарды толық аяқтау алдағы апта ішінде жоспарланып отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада екінші ауысымдағы 0-9 сынып оқушылары қашықтан оқыту форматына ауыстырылды
Астанада ауа райының қолайсыздығына байланысты екінші ауысымдағы 0-9 сынып оқушылары қашықтан оқыту форматына ауыстырылды, деп хабарлайды Астана қаласы әкімдігінің баспасөз қызметінен.
2025 жылғы 24 қаңтар күні ауа райының қолайсыздығына байланысты екінші ауысымның 0-9 сынып оқушылары қашықтан оқыту форматына ауыстырылады", - делінген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.