Алматы облысында орман қорын заңсыз пайдаланудың 43 фактісі анықталды
Алматы облысында орман қорын заңсыз пайдаланудың 43 фактісі анықталды, деп хабарлайды ҚР Бас прокуратурасының баспасөз қызметінен.
Алматы облысының табиғат қорғау прокуратурасы орман заңнамасының сақталуын тексеру барысында мемлекеттік орман қорының нысаналы мақсаты бойынша пайдаланылмайтын 44 жер учаскесін анықтады.
Орман қорының экотуризмді және сауықтыру қызметін дамыту үшін берілген учаскелерін орман пайдаланушылар өртке қарсы санитарлық нормаларды сақтамай, сондай-ақ орман ресурстарын ұтымды пайдалануға, қоршаған ортаны қорғауға және орман экожүйесінің орнықты дамуын қамтамасыз етуге бағытталған іс-шараларды орындамастан жеке мақсаттарда пайдаланды.
Бұдан басқа, ауыл шаруашылығы жануарларына іс жүзінде иелік етпейтін және агроөнеркәсіптік кешенге қатысы жоқ адамдарға шөп шабу және мал жаю үшін орман қоры жерлерін негізсіз берудің 43 фактісі анықталды.
Тексеру нәтижелері бойынша ауданы 20 мың гектардан асатын орман қорын пайдалану бойынша 60 шарт бұзылды.
Уақтылы қабылданған шаралар жердің деградациясы мен шөлейттенуіне, сондай-ақ аймақтың биоалуантүрлілігінің нашарлауына әкелетін орманды ұтымсыз пайдалануыналдын алды.
Орман қоры жерлерін ұтымды пайдалануды қамтамасыз ету жөніндегі жұмыс жалғасуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматыда есірткі сатушы әйел ұсталды
Алматыда есірткі сатушы әйел ұсталды, - деп хабарлайды Polisia.kz.
Алматыда арнайы іс-шараның нәтижесінде полиция қызметкерлері ҰҚКД жергілікті қызметкерлерінің көмегімен синтетикалық психотроптық заттарды бірнеше рет сатты деген күдікпен 30 жастағы әйелді ұстады.
Күдіктіні жеке тінту барысында құрамында ерекше иісі бар, ақ түсті ұнтақ зат салынған 44 байлам табылып, тәркіленді. Ал ұсталған азаматшаның көлігінен есірткіні орау және бөлшек саудада сатуға арналған құрал-жабдықтар табылды. Сот-химиялық сараптаманың қорытындысына сәйкес, тәркіленген заттар кокаин және мефедрон болып шықты. Жалпы салмағы шамамен 400 грамм. Күдікті уақытша ұстау изоляторына қамалды. Медеу аудандық полиция басқармасы есірткі сату дерегі бойынша қылмыстық іс қозғады", - деді Алматы қалалық ПД есірткі қылмысына қарсы күрес басқармасының бастығы Мұрат Жұмабаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанға 500 мыңнан астам қорап контрабандалық темекі тасымалдау әрекетінің жолын кесілді
Ағымдағы жылғы 5 ақпанында Жамбыл облысы Қарасу елді мекенінде ҰҚК шекара жасағы темекінің ірі партиясын (535 мыңнан астам қорап) тасымалдау әрекетінің жолын кесті, деп хабарлайды Қазақстан Республикасы Ұлттық қауіпсіздік комитетінің Шекара қызметінен.
Темекі бұйымдары көрші елден Қазақстанға ілеспе құжаттарысыз жеткізіліп тұрған.
Алдын ала бағалау бойынша тәркіленген тауардың құны 187 млн теңгеден асады.
Әрі қарай қаралуы үшін жүк тиісті органға берілді.
ҚР ҰҚК баспасөз қызметі
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СҚО-да полицейлер бір айдың ішінде 8 есірткі зертханасын жойды
СҚО-да полицейлер бір айдың ішінде 8 есірткі зертханасын жойды, - деп хабарлайды Polisia.kz.
Солтүстік Қазақстан облысының полиция департаментінде есірткімен күрестің қаңтар айындағы нәтижелері туралы хабарлады.
ПД бастығының орынбасары Асқар Мұхаметқалиевтің хабарлауынша, жыл басынан есірткі құқық бұзушылығының 32 фактісі анықталды, заңсыз айналымнан 17 келіден астам түрлі есірткі заттары алынды.
Мысалы, қызметкерлер қылмыскерлерді ұстаудың бірнеше шараларын жүргізді, олардың барысында есірткі заттарын өсіретін 8 есірткі зертханасы жойылды. 27 қаңтарда полицейлер Петропавл қаласының аумағында есірткі заттарын таратуға қатысы бар басқа қаладан келген екі азаматты ұстау бойынша арнайы операция өткізді.
Тергеу әрекеттері барысында ішінде ақ ұнтақ тәрізді зат бар түйіншектер, электронды таразы, буып-түюге арналған материалдар тәркіленіп алынды. Тәркіленіп алынған мефедрон және α-PvP синтетикалық есiрткiлерінің жалпы салмағы 260 грамнан асты.
Қазіргі уақытта тергеу жүргізілуде.
Ішкі істер министрі жариялаған профилактикалық жыл шеңберінде түрлі форматта 90-нан астам іс-шара өткізілді, әлеуметтік желілерде тарату үшін ақпараттық бейнероликтер дайындалды.
ПД қызметкерлері есірткі заттарының заңсыз айналымына қатысты заңнамадағы өзгерістер туралы азаматтарға хабарлау үшін брифингтерге, подкасттарға, бағдарламаларға қатысты, студенттерді жария сот процестеріне шақырды.
Жастармен кездесулерде өткен жылдың желтоқсан айында түсірілген есірткі таратушылар туралы "Есірткі жасырушылар. Жаза" жаңа деректі фильмі көрсетілуде.
Фильмде есірткі таратушылар үшін көзделген қылмыстық жауапкершілік туралы айтылады.
Мұхаметқалиев Солтүстік Қазақстан облысындағы есірткі қылмысына қарсы іс-қимыл жөніндегі жұмыстар ҚР Президенті Қасым-Жомарт Тоқаевтың халыққа Жолдауында және басқа да бағдарламалық құжаттарда көрсетілген басым бағыттардың бірі екенін атап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Грузиядан алаяқтық жасады деген күдікті экстрадицияланды
Грузиядан алаяқтық жасады деген күдіктіні экстрадицияланды, деп хабарлайды ҚР Бас прокуратурасының баспасөз қызметінен.
Қазақстан Республикасы Бас прокуратурасының мен Ішкі істер министрлігінің қызметкерлері Қазақстан Республикасының Грузиядағы Елшілігінің көмегімен бірнеше рет алаяқтық жасағаны үшін Қазақстан азаматын қылмыстық жауапкершілікке тарту үшін Тбилисиден экстрадициялады.
2020 жылы аталған тұлға адамдар тобының алдын ала сөз байласуымен субсидия алуға көмек көрсету сылтауымен Ұлытау облысының 88 тұрғынының қаражатын иемденіп, жалпы сомасы 30 миллион теңгеден астам шығын келтірген.
Екі сыбайласы әр түрлі жазаға тартылды, ал күдікті қылмыс жасағаннан кейін жасырынып кетті, сондықтан ол халықаралық іздеуге жарияланды.
2024 жылы ол Грузия аумағында анықталып, Қазақстан Республикасы Бас прокуратурасының сұрау салуы бойынша отанына экстрадицияланды.
Қазір күдікті Ақтау қаласының тергеу изоляторына қамауға алынды.
Айыпталған қылмысты жасағаны үшін мүлкі тәркіленіп, үш жылдан жеті жылға дейін бас бостандығынан айыру жазасы қарастырылған.
Бас прокуратура азаматтарды алаяқтардың құрбаны болудан сақ болуға шақырады. Өзіңізді және жақындарыңызды қаржылық шығындардан қорғаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
СҚО-да ауыл шаруашылығы кооперативінің басшысы заңсыз 50 млн теңгеден астам субсидия алған
Қаржылық мониторинг агенттігі Солтүстік Қазақстан облысы бойынша департаменті ауыл шаруашылық өндірістік кооперативі басшысының 50 миллион теңгеден астам субсидияны заңсыз алу схемасын анықтады, деп хабарлайды агенттіктің баспасөз қызметінен.
Мемлекет жоғары сапалы сүт өндірісін арттыру және импортқа тәуелділікті төмендету үшін сүт-тауар фермаларын ашуды белсенді түрде қолдап, ынталандыруда.
Алайда өндірістік кооперативінің басшысы 2019 жылдың мамырынан 2020 жылдың наурызына дейінгі аралықта жалған құжаттарды пайдаланып, сүт өнімдерін өңдеуге бөлінген 50 миллион теңгеден астам субсидияны заңсыз алған.
Өндірістік шығындарды растау үшін ауыл шаруашылығы басқармасына жеке кәсіпкерлерден шикі сүт сатып алғаны үшін өзара есеп айырысу туралы жалған құжаттар және май өндірісі туралы қасақана жалған ақпараттар беріп келген.
Нәтижесінде сот сүт жеткізу мәмілелерін заңсыз деп таныды.
Қаржылық тергеу нәтижесінде, заңсыз алынған субсидияларға күдікті "TOYOTA LAND CRUISER PRADO 150" маркалы автокөлік сатып алғаны анықталды, ол мүмкін болатын тәркілеуден жасыру мақсатында сенімді адамға рәсімделген.
Соттың санкциясымен аталған автокөлікке тыйым салынды.
Күдіктіге қатысты сот 2 айға "қамауға алу" түрінде бұлтартпау шарасын тағайындады.
Барлық ақпарат ҚР ҚПК 201-бабына сәйкес тергеу мүддесінде жариялауға жатпайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.