Телеграм-арнасы арқылы шындыққа жанаспайтын ақпаратты жариялау қауіпімен ақшалай қаражатты бопсалаумен айналысқан адамдар тобы ұсталды
18 желтоқсанда Бас прокуратураның үйлестіруімен ҰҚК және ІІМ ведомствоаралық жедел-тергеу тобымен және ҚМА-нің мамандандырылған бөлімшесімен бірлесіп, Астана және Қарағанды қалаларында QirSabyn телеграм-арнасы арқылы шындыққа жанаспайтын ақпаратты жариялау қауіпімен ақшалай қаражатты бопсалаумен айналысқан адамдар тобы ұсталды, деп хабарлайды Бас прокуратураның баспасөз қызметінен.
Шұғыл тергеу әрекеттері жүргізіліп, техникалық құралдар, ірі көлемдегі ақша сомасы және өзге де заттай дәлелдемелер алынды.
Телеграм-арнасының әкімшілері соттың санкциясымен қамауға алынды.
Қажетті тергеу және жедел іс-шаралар жалғасуда.
Тергеу аясындағы өзге ақпарат жария етілмейді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Ақмола облысында 55 көлікті заңсыз тіркеді деген күдіктілер бас бостандығынан айырылды
Қаржылық мониторинг агенттігінің Ақмола облысы бойынша департаменті жалған төлем және есеп айырысу құжаттары қолданылған 55 автокөлікті заңсыз тіркеу фактісі бойынша қылмыстық істі аяқтады, деп хабарлайды ҚМА баспрасөз қызметінен.
Бұған дейін тергеу барысында осы схеманың ұйымдастырушысы анықталған. (https://t.me/afm_rk/2191) 2020 жылдың желтоқсанынан 2022 жылдың қаңтарына дейінгі кезеңде шетелден әкелінген автокөліктерді бастапқы тіркеу схемасын топ болып ұйымдастырғаны белгілі болды.
Бұл әрекеттер міндетті төлемдер мен салықтардың төленбеуіне және жалған құжаттарды пайдалануға әкеліп, мемлекетке 400 миллион теңгеден астам шығын келтірілген.
Екі кінәлі тұлға қылмыстық жауапкершілікке тартылды. Сот шешімімен сотталғандар 2,5 жылдан 5 жылға дейін бас бостандығынан айыру жазасына кесілді.
Сонымен қатар, соттың шешімімен сотталғандардың мүлкі - Астана және Кокшетау қалаларындағы жалпы құны 90,5 миллион теңгеден астам пәтерлер мен Кокшетау қаласындағы құны 35 миллион теңге болатын үй тәркіленді.
Қаржылық мониторинг агенттігі экономикалық қылмыстарға қарсы белсенді жұмысын жалғастырып, салықтар мен төлемдерден жалтаруға бағытталған құқық бұзушылықтарға қарсы күресуде және азаматтарды құқық бұзушылықтар туралы хабарлауға шақырады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шымкенттік шенеунік балаларға мүгедектік топтарын белгілегені үшін пара алған
Шымкентте мүгедектік топтарына келісім бергені үшін пара алған тұлғалар сотқа берілді, деп хабарлайды Шымкент қаласы прокуратурасының баспасөз қызметінен.
Сыбайлас жемқорлыққа қарсы іс-қимыл агенттігінің Шымкент қаласы бойынша департаменті Мемлекеттік еңбек инспекциясы комитетінің қалалық департаменті бөлім басшысының міндетін атқарушыға қатысты сотқа дейінгі тергеп-тексеруді аяқтады.
Ол мүмкіндігі шектеулі балалардың ата-аналарынан мүгедектік топтарын белгілеу үшін жалпы сомасы 850 мың теңге пара алды деп айыпталуда.
Пара ретінде берілген ақша қаражаты қалалық емханалардың бірінде жұмыс жасайтын медбикенің көмектесуі арқылы алынған.
Қазіргі уақытта қала прокуратурасы айыпталушыларды сотқа берді.
Конституцияның 77-бабы 3-бөлігінің 1)тармағына сәйкес адамның кінәлі екендігі заңды күшіне енген сот үкімімен танылғанша ол жасалған қылмысқа кінәлі емес деп есептеледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Жетісуда танысының сенімін пайдаланып, пәтер тонаған күдікті қолға түсті
Жетісуда танысының сенімін пайдаланып, пәтер тонаған күдікті қолға түсті, - деп хабарлайды Polisia.kz.
Алматы қаласының 35 жастағы тұрғыны Талдықорғандағы танысының үйін тонап, тәртіп сақшыларының қолына түсті.
Оқиға жазғы уақытта жәбірленуші Алматыға туыстарына қонаққа кеткен кезде орын алған. Белгілі болғандай, жәбірленушінің күйеу баласы қонаққа келген әйелінің сіңлісі пәтер иесінің сыртқа шыққан сәтін пайдаланып, кілттің көшірмесін жасатқан.
Ұрлық жасауға қолайлы уақытты күтіп, күдікті Талдықорғанға арнайы барып, үйдің бос тұрғанына көз жеткізген соң, пәтерге кірген. Ол үйден "Cartier" маркалы алтын әшекейлер мен құнды күзен қалпағын қолды еткен.
Алайда бұл қылмыскердің алғашқы әрекеті ғана болып шықты. Ұрланған алтын бұйымдарды ломбардқа өткізіп, жәбірленушіге 810 мың теңге көлемінде шығын келтірген.
Алайда, материалдық қиындықтарын толық шеше алмаған күдікті тағы да танысының пәтеріне қайтып оралған. Бұл жолы оның қолына алтын сақиналар мен сырғалар түскен.
Тергеу барысында полиция қызметкерлері қылмыскердің жеке басын анықтап, оны ұстады. Күдікті өз әрекетін материалдық қиындықтарға байланысты жасағанын мойындады.
Қазіргі таңда ол қамауға алынып, сотқа дейінгі тергеу амалдары жалғасуда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Шерзат Полаттың өліміне қатысты тергеу аяқталу сатысында
Алматы облысының прокуратурасы Ш. Полатты өлтіру фактісі бойынша сотқа дейінгі тергеудің аяқталуға жақын екенін хабарлайды. Қажетті тергеу әрекеттері жүргізіліп, барлық күдіктілер ұсталды, деп хабарлайды Алматы облысының прокуратурасынан.
Қазіргі уақытта сараптама нәтижелері күтілуде. Сараптама қорытындысынан кейін іс процестің қатысушыларына танысу үшін беріледі.
Сонымен қатар, К. Нұрымовтың үйін өртеу және Н. Гаипбаевтың өз-өзіне қол жұмсауы бойынша қылмыстық істердің тергелуі Бас прокуратураның бақылауында екенін хабарлаймыз.
Қоғамды жалған ақпарат таратудан бас тартуға шақырамыз.
Уәкілетті органдардың тек ресми мәлімдемелеріне сенім білдіруді сұраймыз.
Алматы облысының прокуратурасы
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.