Қазақстан аймақтағы қауіпсіздікті қамтамасыз етуде маңызды рөл атқара алады - Си Цзиньпин
ҚХР басшысының Қазақстанға мемлекеттік сапармен келу мерзімін дипломатиялық жолдар арқылы келісу жөнінде уағдаластыққа қол жеткізілді.
Екі ел басшылары жоғары деңгейдегі тұрақты, сенімді диалог жан-жақты, ұзақ мерзімді дәйекті стратегиялық әріптестіктің кепілі екенін айтты. Тараптар 2019 жылдың қыркүйек айында Қазақстан Президентінің Қытай Халық Республикасына жасаған мемлекеттік сапары барысында қол жеткізілген маңызды уағдаластықтардың жүзеге асырылуына көңілдері толатынын жеткізді.
Қасым-Жомарт Тоқаев екі ел арасындағы дипломатиялық қатынастарға 30 жыл толатынын атап өтіп, қарқынды дамып келе жатқан екіжақты байланыстарды жоғары бағалады. Қазақстан мен Қытай арасындағы қарым-қатынастардың қазіргі жағдайы кез келген сын-қатерге төтеп бере алатын және үлгі тұтарлық деңгейде екені айтылды.
Қытай біздің мәңгі көршіміз әрі досымыз. Біздің бейбітшілік пен жан-жақты ынтымақтастыққа негізделген ортақ шекарамыз бар. COVID-19 індеті таралған күрделі кезеңде өзара қолдау көрсеткеніміз – мызғымас достықтың айқын үлгісі", – деді Қасым-Жомарт Тоқаев.
Президент жуырда Қазақстанға "CoronaVac" вакцинасының алғашқы легінің жеткізілгенін айтып, Қытай тарапына ризашылығын білдірді. Бұл елімізде жүргізіліп жатқан жалпыұлттық вакциналау науқанына айтарлықтай үлес қосады.
Си Цзиньпин екіжақты стратегиялық әріптестікке және күрделі кезеңде көрсетілген өзара көмекке қатысты Қазақстан Президентінің берген бағасын құптады.
Елдеріміз арасындағы ынтымақтастықтың форматы бірегей сипатта және Қытайдың басқа көрші елдермен қарым-қатынасы мұндай деңгейде емес", – деді Қытай басшысы.
ҚХР Төрағасы "Бір белдеу – бір жол" тарихи бастамасын іске асырудағы Қазақстанның рөліне ерекше тоқталып, коронавирус пандемиясының кесірінен жаһандық байланыстардың үзілген шағында жобаның өз қажеттігін дәлелдегенін айтты.
Қасым-Жомарт Тоқаев Қазақстан территориясы арқылы өтетін көлік-транзит бағдарларын одан әрі әртараптандыру бағытындағы еліміздің берік ұстанымын нақтылады. Президент Қазақстан мен Қытай шекарасындағы автокөліктер мен теміржол өткізу бекеттерінің жұмыстарын, сондай-ақ, екі ел арасындағы тұрақты әуе қатынастарын тезірек қалыпты жағдайға келтіру қажет екенін айтты. Бұл қадам екі елдің іскер топтары мен жалпы жұртшылығы үшін аса жағымды жаңалық болар еді.
Мемлекет басшысы "Бір белдеу – бір жол" тұжырымдамасының басқа да бағыттарын бірлесіп ілгерілетуде инновациялық, атап айтқанда, қаржы, цифрландыру және "жасыл" технологияларға қатысты шешімдерді іздестіруге шақырды.
Қасым-Жомарт Тоқаев пен Си Цзиньпин екі ел үкіметтеріне әңгіме барысында көтерілген мәселелерді егжей-тегжейлі пысықтауды қолға алу жөнінде тапсырма беруге уағдаласты.
Мемлекет басшылары әлемдік және өңірлік күн тәртібіндегі өзекті мәселелер бойынша пікір алмасты. Олар БҰҰ, ШЫҰ және "Орталық Азия – Қытай" форматы сияқты көпжақты алаңдардағы өзара іс-қимылдардың зор әлеуеті бар екенін атап өтті. Екі ел басшылары жаңа дәуір кезеңінде мультилатерализм тұжырымдамасын және "адамзаттың ортақ тағдыры" қоғамдастығын құрудың аса қажет екенін айтты. Қазақстан Президенті Азиядағы өзара ықпалдастық және сенім шаралары жөніндегі кеңеске үнемі қолдау көрсетіп келе жатқаны үшін қытай тарапына ризашылығын білдірді.
Қасым-Жомарт Тоқаев Сиань қаласында өткен Орталық Азия елдері Сыртқы істер министрлері кездесуінің қорытындыларына жоғары баға берді. Сондай-ақ халықаралық ықпалдастықтың аталған форматының дамуына атсалысуға дайын екеніне тоқталып, кезекті отырысты 2022 жылы Қазақстанда өткізуді ұсынды.
Си Цзиньпин Қазақстан Орталық Азиядағы ірі мемлекет ретінде аймақтағы қауіпсіздік пен тұрақтылықты қамтамасыз етуде, әсіресе, Ауғанстаннан Америка әскері шығарылғаннан кейін маңызды рөл атқара алады деп санайды.
Өзара сенімге және толық қолдауға негізделген әңгімелесу соңында Қасым-Жомарт Тоқаев пен Си Цзиньпин әртүрлі деңгейдегі тығыз қарым-қатынастарды жалғастыруға уағдаласты. Сонымен қатар Ұйымның 20 жылдығына орай Қазақстан астанасында ШЫҰ-ға мүше мемлекеттер үкіметтері басшыларының отырысын лайықты деңгейде өткізуге келісті. ҚХР басшысының Қазақстанға мемлекеттік сапармен келу мерзімін дипломатиялық жолдар арқылы келісу жөнінде уағдаластыққа қол жеткізілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Дмитрий Мун Қазақстанның цифрлық даму вице-министрі болып тағайындалды
Қазақстан Республикасы Үкіметінің Қаулысымен Дмитрий Мун Андреевич Қазақстан Республикасының цифрлық даму, инновациялар және аэроғарыш өнеркәсібі вице-министрі болып тағайындалды. Бұл туралы Үкіметтің Баспасөз қызметі хабарлайды.
1991 жылы Астана қаласында дүниеге келген. М.В. Ломоносов атындағы Мәскеу мемлекеттік универститетін бітірген.
Еңбек жолын 2014 жылы Астана қ. "Экономикалық зерттеулер институты" АҚ орталығында сарапшы болып бастаған.
Әртүрлі жылдары "Қазпошта" АҚ менеджері, ҚР Бас прокуратурасының Құқықтық статистика және арнайы есепке алу жөнiндегi комитетiнің Талдау жұмыс және құқықтық реттеу басқармасында бөлім бастығы болып жұмыс істеген.
2019-2020 жылдары - Астана қ. "Ұлттық ақпараттық технологиялар" АҚ департаментінде инженер-бағдарламашы.
2020-2023 жылдары - Астана қ. "Ұлттық ақпараттық технологиялар" АҚ Big Data жөніндегі басқарушы директор.
2023 жылдан бастап осы уақытқа дейін Астана қ. "Ұлттық ақпараттық технологиялар" АҚ басқарма төрағасының орынбасары болып қызмет етті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Лицензиясыз қызмет жүргізгені үшін 60-қа жуық мектепке айыппұл салынды
Лицензиясыз қызмет жүргізгені үшін 60-қа жуық мектепке айыппұл салынды, деп хабарлайды Қазақстан Республикасының Оқу-ағарту министрлігінің баспасөз қызметінен.
Аталған бұзушылықтар Білім беру саласындағы сапаны қамтамасыз ету комитеті мен оның аумақтық департаменттерінің білім беру ұйымдарына мониторингі барысында анықталды.
2024 жылдың басынан бері жүргізілген тексеру нәтижесі көрсеткендей, 58 мектеп білім беру қызметін лицензиясыз жүргізген. Бүгінгі таңда олардың 17-сі білім беру қызметіне қойылатын талаптарға сәйкестендірді. Лицензиясыз қызмет жүргізетін мектептерге қатысты ҚР ӘҚБтК 463-бабы бойынша айыппұл беру туралы соттардың қаулылары шығарылды. Олар негізінен Астана және Алматы қалаларында, Атырау, Алматы, Батыс Қазақстан, Түркістан, Маңғыстау және Жамбыл облыстарында орналасқан.
ҚР "Білім туралы" Заңына сәйкес барлық мектептер білім беру қызметін бастамас бұрын рұқсат алуы тиіс. Лицензияның болмауы мектептердің талаптарға сәйкестігі бойынша тексеруден өтпегенін немесе рұқсат алу үшін құжаттарды тапсырмағанын білдіреді. Білім беру ұйымдарында білім беру қызметімен айналысу құқығы лицензия алған сәттен бастап туындайды. Егер мектеп мемлекеттік тіркеуден өткен сәттен бастап алты ай ішінде лицензия алмаса, онда ол сот тәртібімен жабылуға тиіс", - деп атап өтті комитет төрағасы Ернұр Дәуенов.
Лицензия алуға қойылатын негізгі талаптар тиісті материалдық-техникалық базаның, білікті педагогикалық құрамның болуын, санитарлық-эпидемиологиялық және өртке қарсы нормалардың сақталуын, сондай-ақ білім алушыларға медициналық қызмет көрсетуді ұйымдастыруды қамтиды. Осы талаптарға сәйкес келмеу әкімшілік жаза қолдану мен қайталама бұзушылықтар болған жағдайда білім беру мекемесінің қызметін тоқтата тұру үшін негіз болып табылады.
Естеріңізге сала кетейік, мектептер бағыныстылығы бойынша жергілікті атқарушы органдардың қарауына жатады. Өз кезегінде аумақтық департаменттер өңірлік әкімдіктер мен білім басқармаларының басшыларына бұзушылықтарды жою жөнінде шаралар қабылдау туралы ресми талап хаттарын жолдады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда экологиялық талаптарды бұзғаны үшін ірі құрылыс нысаны айыппұл салынды
Алматыда құрылыс нысанына айыппұл салынды, - деп хабарлайды Polisia.kz.
Алматы қаласында табиғатты қорғау полициясы Бостандық ауданы әкімдігінің қоршаған орта және экология бөлімімен бірлесіп, экологиялық талаптарды бұзған және абаттандыру ережелерін сақтамаған құрылыс нысанын анықтады.
Құрылыс алаңында қоқыс қалдықтарының шамадан тыс жиналуы және лас қоқысты рұқсатсыз тасымалдау фактілері тіркелген. Осыған байланысты учаске басшысы Қазақстан Республикасының Әкімшілік құқық бұзушылық туралы кодексінің 505-бабының 1-бөлігіне сәйкес әкімшілік жауапкершілікке тартылды. Бұдан бөлек, болашақта осындай заң бұзушылықтардың алдын алу үшін түсіндіру жұмыстары жүргізілді. Қалдықтарды өңдеудегі экологиялық талаптардың бұзылуы туралы материал Алматы қаласының Экология департаментіне жолданды.
Алматы қаласы полиция департаменті жергілікті полиция қызметі басқармасы бастығының орынбасары Айтан Елеусізовтің айтуынша, "Таза Қазақстан" жалпыреспубликалық бағдарламасы мен "Алматы - ортақ үйіміз" қалалық кампаниясы аясында қаланы абаттандыру және экологиялық талаптарды сақтау шаралары күшейтілген.
Жарқын күз" шарасы аясында 16 қыркүйектен бастап қалада абаттандыру ережелері мен санитарлық нормаларды бұзған 2 757 дерек тіркелсе, қоғамдық орындарды ластағаны үшін 2 232 хаттама толтырылды. Ірі көлемдегі қалдықтарды, сынған жиһаздарды, тұрмыстық техника мен құрылыс қалдықтарын жинақтаған 569 азамат әкімшілік жауапкершілікке тартылды.
Алматының табиғатты қорғау полициясы барлық азаматтарды қоршаған ортаға ұқыптылықпен қарауға және қалдықтарды шығару ережелерін қатаң сақтауға шақырады. Себебі табиғаттың тазалығы мен денсаулығы әрбір адамның саналы әрекетіне байланысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚР Премьер-министрі Украинадағы жағдайға байланысты президенттің тапсырмаларын орындау бойынша кеңес өткізді
Премьер-министр Украина төңірегіндегі жағдайға байланысты Мемлекет басшысының тапсырмаларын орындау бойынша шұғыл жиын өткізді, деп хабарлайды Үкіметтің баспасөз қызметінен.
Премьер-министр Олжас Бектенов Украина төңірегіндегі жағдайға байланысты қорғаныс, ішкі істер, төтенше жағдайлар, сыртқы істер, денсаулық сақтау, көлік, энергетика, өнеркәсіп және құрылыс, ұлттық экономика, қаржы министрліктерінің басшылығымен Мемлекет басшысының негізгі әскери және азаматтық объектілердің қауіпсіздігін қамтамасыз ету жөнінде шұғыл шаралар қабылдау туралы тапсырмаларын орындау жөнінде жедел кеңес өткізді.
Премьер-министр қорғаныс министрі Руслан Жақсылықовтың стратегиялық және инфрақұрылымдық объектілерді қорғауды қамтамасыз ету бойынша жүргізіліп жатқан жұмыстар туралы мәліметтерін тыңдап, мемлекеттік органдардың іс-қимылдарын күшейтуге бағытталған бірқатар міндеттер қойды. Тұрақтылық пен қоғамдық тәртіпті сақтау, көлік қатынасының қауіпсіздігі, денсаулық сақтау объектілерінің қызметі және басқа да мәселелерге назар аударылды.
Уәкілетті құрылымдардың басшылығына Президенттің қауіпсіздікті қамтамасыз ету жөніндегі тапсырмаларының орындалуын ерекше бақылауда ұстау және жағдайдың өзгеруі туралы шұғыл режимде баяндау тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.